Guidance for Returning Officers administering a Greater London Authority (GLA) election

Darperir ar gyfer y prosesau ar gyfer agor pecynnau pleidleisio drwy'r post mewn deddfwriaeth:

Cam 1: agor y blwch pleidleisio i bleidleiswyr post1

• cyfrif a chofnodi nifer y pecynnau pleidleisio drwy'r post a ddychwelwyd (h.y., nifer yr amlenni ‘B’ yn y blwch pleidleisio i bleidleiswyr post) 
• agor prif amlen ‘B’ a thynnu'r datganiad pleidleisio drwy'r post a'r amlen papur pleidleisio allan 
• cadarnhau bod y rhif ar y datganiad pleidleisio drwy'r post yn cyfateb i'r rhif ar yr amlen papur pleidleisio (amlen ‘A’) 
• rhoi marc yn y rhestr pleidleiswyr post, neu'r rhestr dirprwyon sy'n pleidleisio drwy'r post fel y bo'n briodol i ddangos bod datganiad pleidleisio drwy'r post wedi'i ddychwelyd   

Cam 2: gwirio'r dynodyddion personol2

• sicrhau bod yr etholwr wedi llofnodi'r datganiad ac wedi rhoi dyddiad geni
• cadarnhau bod y llofnod a'r dyddiad geni ar y datganiad pleidleisio drwy'r post yn cyfateb i'r hyn a geir ar y cofnod dynodyddion personol
• os gwrthodwch ddatganiad pleidleisio drwy'r post, rhaid i chi nodi ‘gwrthodwyd’ ar y datganiad, ei atodi i amlen y papur pleidleisio (os nad oes amlen o'r fath rhaid i chi ei atodi i'r papur pleidleisio) a'i roi yn y blwch ar gyfer pleidleisiau a wrthodwyd. Cyn ei roi yn y blwch, rhaid i chi ei ddangos i'r asiantiaid ac, os bydd unrhyw un yn gwrthwynebu eich penderfyniad, rhaid ychwanegu'r geiriau “gwrthwynebwyd y penderfyniad i wrthod”. Dylech hefyd gofnodi'r rheswm dros ei wrthod

Cam 3: agor amlenni papurau pleidleisio drwy’r post3  

• agor yr amlen papur pleidleisio (amlen 'A') a thynnu'r papur pleidleisio, gan sicrhau bod y papur pleidleisio yn cael ei gadw wyneb i lawr drwy'r amser
• cadarnhau bod y rhif ar amlen y papur pleidleisio (amlen ‘A’) yn cyfateb i'r rhif ar gefn y papur pleidleisio
• rhoi'r papur(au) pleidleisio yn y blwch neu'r blychau pleidleisio drwy'r post)

Cam 4: selio'r blychau pleidleisio drwy'r post4

• cyfrif a chofnodi nifer y papurau pleidleisio drwy'r post i'w selio ym mhob blwch pleidleisio drwy'r post
• selio a storio'r blwch neu'r blychau pleidleisio drwy'r post yn ddiogel

Ceir crynodeb o'r broses yn y siart llif agor pleidleisiau post a ganlyn:

Dylech drefnu papurau pleidleisio mewn sypiau mewn ffordd sy'n sicrhau y gallwch gasglu a chanslo unrhyw bapur pleidleisio penodol (er enghraifft, os bu'n rhaid ailanfon yn dilyn gwall gweithdrefnol). 

Am y rheswm hwn, a hefyd oherwydd yr angen i ddilysu cynnwys pob blwch pleidleisio drwy'r post ar y cam dilysu, dylech ystyried sawl papur pleidleisio rydych am ei gadw ym mhob blwch.

Paru datganiadau pleidleisio drwy'r post â phapurau pleidleisio drwy'r post

Rhaid i chi gadw dwy restr o bapurau pleidleisio drwy'r post a wrthodwyd dros dro:5

• un i gofnodi rhif papur pleidleisio unrhyw bapur pleidleisio drwy'r post a ddychwelwyd heb ddatganiad pleidleisio drwy'r post
• un i gofnodi rhif papur pleidleisio unrhyw ddatganiad pleidleisio drwy'r post na chafodd ei ddychwelyd gyda'r papur pleidleisio  

Mae templed canlynol o daenlen ar gael i chi ei ddefnyddio at y diben hwn.  

Dylech wirio'r rhestrau hyn yn rheolaidd er mwyn sicrhau bod modd paru unrhyw ddogfennau nad ydynt yn cyfateb, gan olygu bod modd ailgyflwyno'r pleidleisiau post hynny i'r broses.