Guidance for Returning Officers administering a Greater London Authority (GLA) election

Cynllunio ar gyfer anfon pleidleisiau post

Pwy ddylai gael pleidlais bost?

Rhaid i chi anfon pleidlais bost at:

• unrhyw etholwr sy'n ymddangos ar y rhestr pleidleiswyr post ar gyfer yr etholiad
• unrhyw ddirprwy sy'n ymddangos ar y rhestr dirprwyon sy'n pleidleisio drwy'r post ar gyfer yr etholiad

Pryd y caiff pleidleisiau post eu hanfon

Rhaid anfon pleidleisiau post cyn gynted ag y bo'n ymarferol.1

Yn ymarferol, mae hyn yn golygu, unwaith y bydd y dyddiad cau ar gyfer tynnu enwau ymgeiswyr yn ôl wedi mynd heibio, dylid anfon papurau pleidleisio drwy'r post at etholwyr presennol sydd wedi gwneud cais am bleidlais bost. 

Dylech roi trefniadau ar waith er mwyn sicrhau bod etholwyr yn cael eu papurau pleidleisio drwy'r post cyn gynted â phosibl a blaenoriaethu unrhyw bleidleisiau post y gall fod angen eu hanfon dramor er mwyn sicrhau bod pleidleiswyr post yn cael cymaint o amser â phosibl i dderbyn, cwblhau a dychwelyd eu pleidlais bost.

Rhaid i'r Swyddog Cofrestru Etholiadol gyhoeddi dau hysbysiad newid etholiad interim cyn cyhoeddi'r hysbysiad newid etholiad terfynol ar y pumed diwrnod gwaith cyn yr etholiad. Os nad chi yw'r Swyddog Cofrestru Etholiadol hefyd, dylech gysylltu ag ef er mwyn cael gwybodaeth am unrhyw etholwyr newydd sydd wedi gwneud cais i bleidleisio drwy'r post cyn gynted â phosibl fel y gallwch drefnu i'r pleidleisiau post ychwanegol angenrheidiol gael eu hanfon ar frys.

Gallwch ddod o hyd i ragor o wybodaeth am hysbysiadau newid interim yn ein canllawiau i Swyddogion Cofrestru Etholiadol ar gyfer Cymru, Lloegr a'r Alban .  

I gael rhagor o wybodaeth am amseriadau, gweler ein canllawiau  ar yr amserlen pleidleisio absennol