Cais i fod yn sefydliad achrededig neu gyflwyno enwau ychwanegol

Cyn i chi wneud cais i fod yn arsyllwr etholiadol, mae angen i chi ddarllen y canlynol:

• y Cod Ymarfer ar gyfer arsyllwyr etholiadol achrededig
• ein hysbysiad preifatrwydd

Pan fyddwch chi'n cwblhau eich cais, bydd angen i chi gadarnhau eich bod wedi darllen yr holl ddogfennau hyn a'ch bod yn eu deall.

I wneud cais i fod yn sefydliad achrededig, bydd angen y canlynol arnoch:

• gwybodaeth am eich sefydliad
• eich enw a'ch manylion cyswllt, fel prif gyswllt y sefydliad
• enw a manylion cyswllt, ail gyswllt y sefydliad
• i chi ddweud wrthym am faint yr hoffech i'ch achrediad bara, ac i ble yr hoffech i'ch bathodynnau gael eu hanfon
• enwau'r bobl fydd yn arsylwi ar ran eich sefydliad, yn ogystal â llun pasbort ac ID ffotograffig

Mae angen bod y llun yn bodloni'r canlynol:

• mae'n cynnwys yr arsyllwr yn unig
• mae'n cynnwys eu pen a'u hysgwyddau
• mae'n dangos eu hwyneb yn glir gyda'u llygaid ar agor
• mae wedi ei dynnu yn erbyn cefndir plaen

Mae angen i'r ID ffotograffig ddangos enw ac oedran yr arsyllwr. Gallwch uwchlwytho eu:

• pasbort
• trwydded yrru
• cerdyn adnabod cenedlaethol
• cerdyn adnabod etholiadol Gogledd Iwerddon

700KB yw uchafswm maint ffeil ar gyfer yr holl luniau a'r ID. Ni ellir prosesu unrhyw beth yn fwy na hyn.

Gallwch gysylltu â ni os nad oes gan yr arsyllwyr y math yma o ID.