Yn ogystal â datgan y canlyniad, rhaid i chi gyhoeddi hysbysiad o'r canlynol1
:
Enw'r ymgeisydd a etholwyd. Dylech hefyd gynnwys disgrifiad yr ymgeisydd (os oes un).
Nifer y papurau pleidleisio a wrthodwyd fel y mae'n ymddangos yn y datganiad o bapurau pleidleisio a wrthodwyd.
Dylech sicrhau bod copi o'r hysbysiad o'r canlyniad ar gael i bawb sydd â diddordeb cyn gynted â phosibl, a rhaid i chi ei gyhoeddi mewn man neu fannau amlwg yn ardal yr heddlu. Dylai hyn gynnwys swyddfeydd yr awdurdod lleol, hysbysfyrddau, llyfrgelloedd ac adeiladau cyhoeddus eraill ac ar wefan eich awdurdod lleol.
Rhaid i chi anfon copi at bob un o'ch Swyddogion Canlyniadau Lleol er mwyn iddynt roi hysbysiad cyhoeddus o'r canlyniad yn eu hardal bleidleisio. Rhaid i chi hefyd anfon copi o'r hysbysiad hwn at y Gweinidog.
Datganiad derbyn swydd
Rhaid i'r ymgeisydd llwyddiannus wneud datganiad derbyn swydd ar ffurf a ragnodir, y mae'n rhaid ei gyflwyno i'r swyddog priodol yn ardal yr heddlu. Mae deddfwriaeth yn nodi bod yn rhaid i'r datganiad gael ei gyflwyno i bennaeth gwasanaethau cyflogedig mewn awdurdod lleol penodol a ddynodir gan y Gweinidog.
Os mai chi yw pennaeth y gwasanaethau cyflogedig yn yr awdurdod lleol a ddynodir gan y Gweinidog yn ardal yr heddlu at y diben hwn, dylech anfon copi o'r datganiad at y Gweinidog. Dylech gadw'r fersiwn wreiddiol tan yr etholiad nesaf ar gyfer Comisiynydd yr Heddlu a Throseddu2
.