Ar ôl yr etholiad, efallai y cewch geisiadau o dan Ddeddf Rhyddid Gwybodaeth 2000. O dan y ddeddf hon, nid awdurdod cyhoeddus yw Swyddogion Canlyniadau Ardal Heddlu, Swyddogion Canlyniadau Lleol na Swyddogion Cofrestru Etholiadol ac, fel y cyfryw, maent wedi'u heithrio rhag y gofynion datgelu a osodir o dan y ddeddf1
.
Fodd bynnag, lle y bo'n bosibl, dylai Swyddogion Canlyniadau Ardal Heddlu, Swyddogion Canlyniadau Lleol a Swyddogion Cofrestru Etholiadol ddatgelu'r wybodaeth y gofynnwyd amdani, ar yr amod bod yr wybodaeth hon eisoes yn eiddo i'r cyhoedd, neu ar yr amod nad yw'r wybodaeth y gofynnwyd amdani yn cynnwys data personol. Un enghraifft o ddata nad yw'n bersonol fyddai data ystadegol yn dangos cyfanswm nifer yr etholwyr a gofrestrwyd yn ardal yr heddlu neu nifer y pleidleiswyr post.