Dylech ystyried unrhyw wrthwynebiad sy'n dod i law yn ystod y cyfnod a ganiateir ar gyfer gwrthwynebu.
Dim ond ar y seiliau canlynol mae gennych yr hawl i bennu bod papur enwebu a ffurflen cyfeiriad cartref yn annilys:
nid yw manylion yr ymgeisydd na'r llofnodwyr yn unol â gofynion y gyfraith
ni lofnodwyd y ffurflen fel y bo'n ofynnol
mae'r person yn destun gorchymyn anghymhwyso o dan adran 30 o Ddeddf Etholiadau 2022
Ni ddylech gynnal unrhyw ymchwiliad na chlywed unrhyw sylwadau sy'n cefnogi neu'n herio unrhyw ffaith neu ddatganiad a roddwyd ar y ffurflen enwebu neu'r ffurflen cyfeiriad cartref.
Dylech gyfyngu'r broses wrthwynebu i'r ffurflen enwebu a'r ffurflen cyfeiriad cartref.
Os byddwch yn penderfynu, o ganlyniad i wrthwynebiad, y dylai enwebiad rydych eisoes wedi penderfynu yn ei gylch fod wedi'i bennu'n annilys, rhaid i chi wneud y canlynol:
dangos ar y datganiad ynghylch y personau a enwebwyd nad yw'r ymgeisydd wedi'i enwebu'n ddilys mwyach
y rheswm pam nad yw wedi'i enwebu mwyach.
Dylech roi gwybod i'r ymgeisydd fel y bo'n briodol.1