Gall pobl benodol wrthwynebu dilysrwydd ffurflen enwebu plaid, enwebiad unrhyw ymgeisydd rhestr plaid ar y rhestr plaid a ffurflen enwebu ymgeisydd unigol.1
Yr unig adeg y gellir cyflwyno gwrthwynebiadau yw ar y diwrnod olaf i gyflwyno ffurflenni enwebu.2
Amserlen gwrthwynebiadau
Mae hyd y cyfnod pan ellir gwneud gwrthwynebiad yn dibynnu ar bryd y cyflwynwyd y ffurflen enwebu:
Pryd y cyflwynwyd y ffurflen enwebu?
Pryd gellir gwrthwynebu’r ffurflen enwebu?
Cyflwynwyd hyd at ac yn cynnwys 4pm ar y diwrnod cyn y dyddiad cau ar gyfer cyflwyno papurau enwebu
Rhaid gwneud gwrthwynebiadau i unrhyw ffurflen enwebu a gyflwynwyd hyd at ac yn cynnwys 4pm ar y diwrnod cyn y dyddiad olaf i gyflwyno papurau enwebu cyn hanner dydd ar y diwrnod olaf i gyflwyno papurau enwebu.3
Cyflwynwyd ar ôl 4pm ar y diwrnod cyn y dyddiad cau i gyflwyno enwebiadau
Rhaid cyflwyno gwrthwynebiadau i unrhyw ffurflen enwebu a gyflwynwyd ar ôl 4pm ar y diwrnod cyn y diwrnod olaf ar gyfer cyflwyno papurau enwebu ar neu cyn 5pm ar y diwrnod olaf i gyflwyno papurau enwebu.4