Anfon copi terfynol yr anerchiad etholiadol ymlaen
Bydd y Gweinidog yn rhoi copi o bob anerchiad etholiadol i chi wrth iddo ymddangos ar y wefan. Rhaid i chi anfon copi o'r anerchiad etholiadol hwnnw at asiant etholiad yr ymgeisydd ynghyd â hysbysiad:1
yn gwahodd yr asiant etholiad i wirio cynnwys y copi yn erbyn y cynnwys a gyflwynwyd gan yr asiant etholiad
yn nodi'r amser diweddaraf i gyflwyno unrhyw sylwadau neu gywiriadau i chi y gall fod gan yr asiant etholiad
Os byddwch yn derbyn unrhyw sylwadau ar anerchiad etholiadol neu gywiriadau i anerchiad etholiadol erbyn y dyddiad cau rydych wedi'i bennu at y diben hwn:
rhaid i chi wneud y cyfryw newidiadau i'r copi o'r anerchiad etholiadol ag sy'n gyson â'r gofynion ar gyfer anerchiad etholiadol yn eich barn chi
gallwch wneud unrhyw gywiriadau teipograffyddol sy'n angenrheidiol yn eich barn chi
Cyn gynted ag y bo'n rhesymol ymarferol, rhaid i chi ddychwelyd copi o'r anerchiad etholiadol at y Gweinidog gydag unrhyw newidiadau a wnaed (os o gwbl). Yna, rhaid i'r Gweinidog sicrhau y caiff yr anerchiad etholiadol ei gynnwys ar y wefan cyn gynted ag y bo'n ymarferol ar ôl 4pm ar y pedwerydd diwrnod gwaith ar bymtheg cyn yr etholiad.