Canllawiau i Swyddogion Canlyniadau sy’n gweinyddu etholiad y Senedd

| Argraffu'r canllawiau llawn

Cynhyrchu deunyddiau pleidleisio drwy’r post

Fel rhan o’ch gwaith cynllunio, byddwch wedi penderfynu a fydd y gwaith o gynhyrchu deunyddiau pleidleisio drwy’r post a darparu pleidleisiau drwy'r post yn cael ei wneud yn fewnol neu’n allanol. Gall y Bwrdd Rheoli Etholiadol roi cyfarwyddiadau neu argymhellion ar gyfer cynhyrchu deunydd pleidleisiau post a darparu pleidleisiau post.

Am ragor o wybodaeth i’ch helpu i wneud penderfyniadau ar gontractau allanol, gweler ein canllawiau ar reoli contractwyr a chyflenwyr.

Cynnwys pecynnau pleidlais bost

Rhaid i chi anfon pecyn pleidlais bost at bob pleidleisiwr cymwys. Rhaid i becynnau pleidlais bost gynnwys: 1

Yn ogystal, rhaid i chi roi gwybodaeth gyfarwyddiadol sy’n sicrhau bod y rheini sydd â hawl i bleidleisio drwy’r post yn gallu cael:

  • cyfieithiadau i ieithoedd eraill o unrhyw gyfarwyddiadau neu ganllawiau i bleidleiswyr a anfonwyd gyda’r papur pleidleisio
  • cyfieithiad Braille o gyfarwyddiadau neu ganllawiau o'r fath
  • cynrychiolaeth raffigol o gyfarwyddiadau neu ganllawiau o’r fath
  • y cyfarwyddiadau neu'r canllawiau ar unrhyw ffurf arall (gan gynnwys unrhyw ffurf glywadwy)

Lle mae etholaeth yn cwmpasu mwy nag un awdurdod lleol , bydd angen i chi bennu a yw eich system feddalwedd yn gallu darllen y data a ddarparwyd gan yr awdurdod/awdurdodau lleol eraill yn gywir.

Bydd angen i chi hefyd sicrhau eich bod yn gallu rhoi’r data i'r argraffwyr er mwyn cynhyrchu deunyddiau pleidleisio drwy’r post. Bydd angen i chi gysylltu ag unrhyw awdurdodau lleol eraill cyn gynted ag y bo modd.

Diweddarwyd ddiwethaf: 18 Tachwedd 2025