Canllawiau diogelu data i Swyddogion Cofrestru Etholiadol a Swyddogion Canlyniadau

Cytundebau rhannu data a darparu'r gofrestr etholiadol

Mae cyfraith etholiadol yn darparu fframwaith statudol ar gyfer darparu’r gofrestr etholiadol, ac, fel Swyddog Cofrestru Etholiadol, rhaid i chi ddarparu'r gofrestr yn unol â'r rheoliadau perthnasol. Dim ond at y dibenion a nodir yn y Rheoliadau hynny y dylai derbynnydd y gofrestr etholiadol ddefnyddio'r gofrestr.2  

Fel Swyddog Cofrestru Etholiadol, gallech ddewis cael cytundeb rhannu data â sefydliad mewn perthynas â darparu'r gofrestr, er enghraifft asiantaeth gwirio credyd. Fodd bynnag, nid oes unrhyw ofyniad i sefydliad o'r fath gael cytundeb â chi. Os byddwch yn dewis cael cytundeb, byddai angen i chi fod yn ofalus nad yw'r darpariaethau ynddo yn mynd y tu hwnt i'r gofynion yn y Rheoliadau.

Dylech sicrhau bod trefniadau rhannu data ysgrifenedig ar waith gennych â sefydliadau allanol lle rydych yn derbyn/rhannu data yn barhaus. Rydym wedi llunio'r rhestr wirio ganlynol y gallwch ei defnyddio i'ch helpu gyda hyn.

 
Diweddarwyd ddiwethaf: 12 Rhagfyr 2024