Dylech sicrhau bod pawb sy’n bresennol yn ymwybodol o’r safonau ymddygiad sy’n ddisgwyliedig yn ystod eich cyhoeddiadau.
Wrth gynllunio ar gyfer datgan y canlyniadau dylech:
benderfynu ar yr union leoliad yn yr adeilad lle bydd cyhoeddiadau a datganiadau cyhoeddus yn cael eu gwneud a phwy fydd ar y llwyfan ar yr adegau hyn
sicrhau bod y llwyfan yn hygyrch i bawb sydd angen mynd arno
ystyried a allwch chi ddefnyddio byrddau arddangos i roi cefndir addas ar gyfer cyhoeddi canlyniadau
gwirio unrhyw offer y byddwch yn ei ddefnyddio ar gyfer y cyhoeddiad cyn i'r digwyddiad ddechrau
ail-wirio bod y canlyniad yn gywir, a'i fod wedi'i ysgrifennu ar ffurf geiriau i'w cyflwyno ar lafar er mwyn osgoi unrhyw wallau - efallai y bydd angen i chi ailadrodd y datganiad fel bod y rhai sy'n bresennol yn gallu clywed y manylion yn glir, yn enwedig pan fydd sŵn gan y rhai sy'n bresennol
ystyried sut byddwch yn rhoi copi ysgrifenedig o’r canlyniadau i gynrychiolwyr y cyfryngau pan wneir y cyhoeddiad gan y bydd hyn yn eu helpu i sicrhau bod eu ffigyrau’n cael eu trosglwyddo’n gywir.
y pleidiau gwleidyddol ac enwau'r ymgeiswyr rhestr plaid
yr ymgeiswyr unigol
sydd wedi cael sedd a rhaid i chi hefyd ddatgan, yn Gymraeg a Saesneg, eu bod wedi cael eu hethol.
Pan fydd datganiad ynghylch pleidiau a phersonau a enwebwyd yn dangos yr enw a ddefnyddir yn gyffredin gan ymgeisydd, gallwch hefyd ddefnyddio'r enw hwnnw a ddefnyddir yn gyffredin wrth ddatgan y canlyniad.2
Ar ôl datgan canlyniad yn y cyfrif, mae’n derfynol ac ni ellir ei newid. Felly, dylech fod yn ofalus i sicrhau bod y canlyniad rydych chi’n ei ddatgan yn gywir.
Fodd bynnag, os byddwch yn gwneud camgymeriad yn ystod eich cyhoeddiad llafar, gallwch gywiro hyn, ar yr amod ei fod yn cael ei wneud ar unwaith.