Yn ogystal â datgan y canlyniad, mae'n rhaid i chi gyhoeddi hysbysiad, yn Gymraeg a Saesneg o:1
enw unrhyw ymgeiswyr rhestr plaid etholedig gydag enw'r blaid wleidyddol gofrestredig yr oeddent yn ymgeisydd ar ei chyfer
enw unrhyw ymgeisydd unigol etholedig
cyfanswm nifer y pleidleisiau a roddwyd i bob ymgeisydd unigol neu blaid wleidyddol gofrestredig
thnifer y papurau pleidleisio a wrthodwyd o dan bob pennawd
Pan mae'r datganiad ynghylch pleidiau neu bersonau a enwebwyd yn dangos bod ymgeisydd wedi defnyddio ei enw a ddefnyddir yn gyffredin i sefyll yn yr etholiad, gallwch hefyd ddefnyddio ei enw a ddefnyddir yn gyffredin yn yr hysbysiad.2
Cyhoeddi hysbysiad o'r canlyniad
Dylech sicrhau bod copi o hysbysiad y canlyniad ar gael i bob plaid sydd â diddordeb cyn gynted â phosibl, ac mae'n rhaid i chi ei gyhoeddi ar-lein ac mewn unrhyw le arall a ystyrir yn briodol gennych.3
Gallai hyn gynnwys swyddfeydd awdurdod lleol, hysbysfyrddau a llyfrgelloedd.
Rhaid i’r EMB hefyd gyhoeddi’r datganiad ynghylch y pleidiau a phersonau a enwebwyd ar y platfform gwybodaeth am etholiadau. Bydd yn rhoi gwybodaeth am y data a’r fformat gofynnol.
Etholaethau trawsffiniol
Lle mae etholaeth yn cynnwys mwy nag un awdurdod lleol, dylech hefyd anfon copi o hysbysiad y canlyniad i unrhyw awdurdodau lleol yn yr etholaeth er mwyn iddynt eu cyhoeddi'n lleol.