Mae etholiad ar gyfer Comisiynydd yr Heddlu a Throseddu yn ddigwyddiad pwysig sy'n achosi ei heriau penodol ei hun. Mae'n hanfodol sicrhau bod cynlluniau cadarn ar waith er mwyn gwneud yn siŵr eich bod yn gallu cynnal etholiad effeithiol.
Mae'r adran hon o'r canllawiau yn ymdrin â'r gwaith cynllunio y bydd angen i chi ei wneud er mwyn helpu i gyd-drefnu a chynnal yr etholiad, gan gynnwys yr elfennau o'r broses lle y bydd angen i chi gydgysylltu â'ch Swyddogion Canlyniadau Lleol, cynllunio'r prosiect a rhoi ystyriaethau ar waith.
Mae'r adran hon hefyd yn cynnwys canllawiau ar nodi, monitro a lliniaru risg, a datblygu cynlluniau i sicrhau uniondeb yr etholiad.
Yn olaf, mae'n rhoi canllawiau ar sut y bydd angen i chi gynllunio ar gyfer eich gweithgareddau codi ymwybyddiaeth y cyhoedd er mwyn annog pleidleiswyr i gofrestru ac er mwyn rhoi gwybodaeth i helpu etholwyr i bleidleisio, ac ymgysylltu ag ymgeiswyr ac asiantiaid.