Os nad yw’r cyfrif papurau pleidleisio’n cysoni, dylech ddilyn y drefn fel yr amlinellir yn y tabl canlynol a chofnodi’r canlyniad ar y datganiad dilysu:
Cam
Camau i'w ddilyn
Gwiriadau rhagarweiniol
Gwnewch wiriad llawn o’r rhifyddeg ar y cyfrif papurau pleidleisio a nifer y papurau pleidleisio nas defnyddiwyd
Gwiriwch y pecynnau eraill o ddeunyddiau a ddychwelwyd ac unrhyw gofnodlyfr gorsaf bleidleisio i geisio nodi unrhyw reswm dros bapurau pleidleisio coll neu ychwanegol
Sicrhewch nad yw pleidleisiau drwy’r post a ddychwelwyd wedi cael eu hychwanegu at nifer y pleidleisiau a fwriwyd yn yr orsaf bleidleisio
Dylech ystyried cysylltu â’r Swyddog Llywyddu i ofyn iddo geisio egluro unrhyw anghysondebau
Gwirio nifer y blychau pleidleisio a roddwyd
Gwiriwch y cofnod o flychau pleidleisio a roddwyd i weld a gafodd yr orsaf bleidleisio fwy nag un blwch pleidleisio a sicrhau bod yr holl flychau a ddyrannwyd i’r orsaf yn cael eu hagor a’u cyfrifo
Gwirio am wallau digolledu
Gwiriwch y blychau pleidleisio ar gyfer pob gorsaf bleidleisio o fewn yr un man pleidleisio
Gallai dilysu'r cyfrifrifon papurau pleidleisio ar gyfer y gorsafoedd pleidleisio eraill yn y lleoliad hwnnw ddangos gwall digolledu oherwydd bod etholwyr wedi rhoi eu papur pleidleisio yn y blwch anghywir neu mewn blwch o’r orsaf bleidleisio anghywir
Os bydd y gwallau digolledu i gyd yn mantoli, gellir ystyried bod y dilysu wedi bod yn llwyddiannus
Ailgyfrif y papurau pleidleisio
Os yw’r blwch pleidleisio o un orsaf bleidleisio neu os nad oes gwall digolledu yn y ffigyrau o’r orsaf/gorsafoedd pleidleisio eraill yn y man pleidleisio hwnnw, ailgyfrifwch y papurau pleidleisio yn y blwch o leiaf ddwywaith neu nes bod yr un ffigwr yn cael ei gyflawni ar ddau achlysur yn olynol
Ail-ddilysu’r cyfansymiau
Ar ôl dilyn y gweithdrefnau a amlinellir uchod, os bydd unrhyw anghysondeb yn parhau, defnyddiwch nifer y papurau pleidleisio a gyfrifwyd ac a ailgyfrifwyd gan staff y cyfrif fel y ffigwr a ddilyswyd a gwnewch nodyn priodol ar y cyfrif papurau pleidleisio
Cadarnhau unrhyw amrywiad ar eich cofnodion
Ychwanegwch y cyfanswm wedi’i ddilysu a’r amrywiad rhwng hynny a’r nifer ar cyfrif papurau pleidleisio at y datganiad ynghylch canlyniad y dilysu, gydag eglurhad os yn bosibl o pam mae’r amrywiad hwnnw wedi digwydd, a thrafod hyn gydag unrhyw asiantiaid ac arsylwyr sy’n bresennol
Rydym wedi llunio rhestr wirio ar gyfer y camau i’w cymryd wrth ddelio ag amrywiadau blychau pleidleisio.
Mae'r rhestr wirio hon i'w chael yn adran dilysu a chyfrif ein tudalen adnoddau.