Canllawiau i Swyddogion Canlyniadau sy’n gweinyddu etholiad y Senedd

Dylech fod yn fodlon bod nifer y pleidleisiau ar gyfer pob plaid wleidyddol ac ymgeisydd unigol yn gywir cyn symud ymlaen i ganlyniad dros dro.

Dylid ymgymryd â’r holl brosesau o fewn y fframwaith o ddidwylledd a thryloywder uchaf a weithredwyd drwy gydol gwahanol gamau’r cyfrif er mwyn i bob ymgeisydd ac asiant gael hyder yn y prosesau a’r canlyniad dros dro a ddarperir gennych.

Pan fyddwch yn fodlon, rhaid i chi roi gwybod i ymgeiswyr rhestr plaid, ymgeiswyr unigol, eu hasiantiaid cyfrif a'u hasiantiaid etholiadol am y canlyniad dros dro. Dylech ei gwneud yn glir bod gan yr ymgeiswyr, yr asiantiaid etholiadol neu, yn eu habsenoldeb, unrhyw asiant cyfrif awdurdodedig, hawl i ofyn am ailgyfrif.1  

Pan fyddwch yn fodlon, rhaid i chi roi gwybod i ymgeiswyr rhestr plaid, ymgeiswyr unigol, eu hasiantiaid cyfrif a'u hasiantiaid etholiadol am y canlyniad dros dro. Dylech ei gwneud yn glir bod gan yr ymgeiswyr, yr asiantiaid etholiadol neu, yn eu habsenoldeb, unrhyw asiant cyfrif awdurdodedig, hawl i ofyn am ailgyfrif. 

Rhaid i chi roi digon o amser i’r ymgeiswyr a’r asiantiaid ystyried y canlyniad dros dro cyn bwrw ymlaen. Ar y pwynt hwn, gall unrhyw ymgeisydd neu asiant etholiad ofyn am i’r pleidleisiau gael eu hailgyfrif neu, ar ôl ailgyfrif, eu hailgyfrif eto.2

Rhaid i chi ystyried unrhyw gais am ailgyfrif ond gall y gyfraith wrthod os yw’r cais, yn eich barn chi, yn afresymol.3 Fodd bynnag, efallai y byddwch yn ystyried cynnig cyfle i’r ymgeiswyr a’r asiantiaid archwilio’r bwndeli o bapurau pleidleisio fel ffordd o dawelu eu meddwl bod y canlyniad yn gywir.