Nid oes unrhyw derfyn ar nifer y ffurflenni enwebu y gellir eu cyflwyno ar gyfer yr un ymgeisydd.
Os caiff ymgeisydd ei enwebu'n ddilys gan fwy nag un ffurflen:
dylai'r ymgeisydd ddewis un o'r ffurflenni enwebu dilys – a gaiff ei hadnabod fel y ffurflen enwebu 'ddethol'
dylai manylion ar y ffurflen ddethol hon gael eu hychwanegu at y datganiad ynghylch y personau a enwebwyd a'r papur pleidleisio
Os na all yr ymgeisydd wneud hyn neu os nad yw'n gwneud hyn, yna mae'n rhaid i chi ddewis pa un o'r ffurflenni a gaiff ei defnyddio.1
Os bydd mwy nag un ffurflen enwebu yn cael ei chyflwyno a bod un o'r ffurflenni enwebu yn annilys:
na chaiff y papur hwnnw ei gynnwys yn y ffurflenni y gall yr ymgeisydd neu chi eu dewis.
cyhyd â bod o leiaf un ffurflen enwebu yn ddilys, gellir enwebu'r ymgeisydd yn ddilys
Bydd llofnodion gan lofnodwyr ar unrhyw ffurflen enwebu a gyflwynir yn cyfrif tuag at yr uchafswm a all lofnodi.2
Am ragor o wybodaeth, gweler ein canllawiau i Swyddogion Canlyniadau Ardal Heddlu ar ofynion llofnodwyr.