Yn dilyn yr etholiadau, mae posibilrwydd y byddwch yn derbyn ceisiadau dan Ddeddf Rhyddid Gwybodaeth 2000. Dan y Ddeddf hon, nid yw Swyddogion Canlyniadau, eu dirprwyon, a Swyddogion Cofrestru Etholiadol yn awdurdod cyhoeddus ac felly maent wedi'u heithrio o'r gofynion datgelu a osodir ganddi.
Fodd bynnag, lle bo'n bosibl, dylai Swyddogion Canlyniadau, eu dirprwyon, a Swyddogion Cofrestru Etholiadol ddatgelu'r wybodaeth y gofynnwyd amdani, ar yr amod bod y wybodaeth hon eisoes ar gael i'r cyhoedd, neu heb unrhyw ddata personol wedi'i gynnwys ynddi. Enghraifft o ddata nad yw'n bersonol fyddai data ystadegol sy'n darparu cyfanswm nifer yr etholwyr a gofrestrwyd yn eich ardal neu'r nifer o bleidleiswyr post.