Caiff etholiadau i'r Senedd eu hariannu gan Lywodraeth Cymru a bydd unrhyw ganllawiau a chyfarwyddiadau ar gyfrifyddu ar gyfer yr etholiad yn cael eu darparu ganddi hi.
Talu credydwyr
Dylech gadw derbynebau, archebion prynu ac anfonebau a dderbyniwyd cyn a thrwy gydol cyfnod yr etholiadau am bob gwasanaeth/gwaith a ddarparwyd, a thalu pob credydwr cyn gynted â phosibl ar ôl yr etholiadau.
Talu ffioedd i staff
Treth incwm
Dan reolau treth, rhaid i bob aelod o staff sy'n gweithio'n uniongyrchol i chi gwblhau rhestr wirio safonol i ddechreuwyr, a roddir iddynt ar adeg eu penodi. Un waith yn unig mae angen cwblhau'r rhestr yn hytrach na'i hadolygu'n flynyddol. Bydd angen i chi ddarparu ffurflen P60 i'r gweithiwr ar ddiwedd y flwyddyn dreth.
Os ydych yn terfynu cyflogaeth unrhyw staff achlysurol ar ôl yr etholiad ac yn eu darparu â P45, yna bydd angen i unrhyw staff achlysurol sy'n dychwelyd i weithio mewn etholiadau yn y dyfodol gwblhau rhestr wirion safonol newydd i ddechreuwyr ym mhob etholiad newydd.
Gwybodaeth amser real CThEF
Bydd pob taliad etholiad yn destun system talu treth gwybodaeth amser real CTHEF. Dylech sicrhau eich bod yn cysylltu ag adrannau cyllid ac AD eich awdurdod lleol i sicrhau eich bod chi'n gallu cydymffurfio â'r rheolau treth ar gyfer eich holl weithwyr, yn cynnwys staff contract dros dro a thymor byr. Mae canllawiau pellach ar gael gan CThEF.
Ymrestru'n awtomatig ar gynllun pensiwn gweithle
Rhaid i bob cyflogwr sydd â staff yn gweithio yn y DU gydymffurfio â gofynion ymrestru awtomatig. Mae canllawiau pellach ar gael gan y Rheoleiddiwr Pensiynau.