Canllawiau i Swyddogion Canlyniadau sy’n gweinyddu etholiad y Senedd

Adalw pleidleisiau post a ganslwyd

Pan fydd papur pleidleisio drwy’r post wedi cael ei ganslo, rhaid i chi adalw’r datganiad pleidleisio drwy’r post a’r papur pleidleisio, os ydynt wedi cael eu dychwelyd, fel nad ydynt yn mynd ymlaen i’r cyfrif.1

Rhaid i chi sicrhau bod y blwch pleidleisiau drwy’r post yn cael ei ail-selio ym mhresenoldeb unrhyw asiant a oedd yn bresennol ar ôl i bapurau pleidleisio drwy’r post a gafodd eu canslo gael eu hadalw o’r blwch pleidleisiau drwy’r post.2

Canslo pleidleisiau drwy’r post sydd wedi cael eu dychwelyd3

Dylech wneud trefniadau ar gyfer sut y byddwch yn delio â phapurau wedi’u canslo ar ôl i becynnau post gael eu darparu a’u dychwelyd i chi, gan gynnwys:

sut y byddwch yn gallu adalw a chanslo unrhyw bapurau pleidleisio drwy'r post a datganiadau pleidleisio drwy'r post sy'n mynd drwy'r broses agor pleidleisiau drwy’r post neu sydd eisoes wedi mynd drwy'r broses honno
sut y byddwch yn esbonio beth sy'n digwydd i ymgeiswyr ac asiantiaid sy'n bresennol mewn sesiwn agor lle mae angen i chi adalw a chanslo papur pleidleisio drwy'r post

Mae’r tabl hwn yn crynhoi’r camau y dylech eu cymryd i reoli’r broses o adalw pleidleisiau drwy’r post a ganslwyd:

Cam	Camau i'w cymryd
Cam 1	Yn ystod sesiwn agor, adalw’r datganiad pleidleisio drwy’r post o’r pecyn neu’r blwch priodol rhaid adalw unrhyw ddogfennau yng ngŵydd y rheini sydd â hawl i fod yn bresennol pan fydd y pleidleisiau drwy’r post yn cael eu hagor. Rhaid i chi ddangos rhifau’r papurau pleidleisio iddynt ar unrhyw ddogfennau a ganslwyd
Cam 2	Agor y blwch pleidleisiau drwy’r post perthnasol ac adalw’r papur pleidleisio dylech drefnu system o sypynnu papurau pleidleisio drwy’r post er mwyn helpu i adalw unrhyw bleidleisiau drwy’r post sy’n cael eu canslo
Cam 3	Marcio bod y dogfennau a adalwyd wedi'u canslo. Rhoi’r dogfennau a ganslwyd yn y pecyn perthnasol ac ychwanegu manylion at y rhestr o bapurau pleidleisio drwy'r post a ganslwyd Rhaid i’r rhestr o bapurau pleidleisio a ganslwyd gynnwys y canlynol:4 enw a rhif yr etholwr fel y nodir yn y gofrestr etholwyr (neu, yn achos etholwr sydd â chofrestriad dienw, ei rhif etholiadol yn unig) rhif y papur pleidleisio a ganslwyd rhif unrhyw bapur pleidleisio drwy’r post newydd a roddwyd i’r etholwr os yw'r pleidleisiwr drwy’r post yn ddirprwy drwy'r post, enw a chyfeiriad y dirprwy Yn achos papurau pleidleisio a ddifethwyd sydd wedi’u canslo, rhaid i’r rhestr o bapurau pleidleisio a ddifethwyd hefyd gynnwys y canlynol:5 enw a rhif yr etholwr fel y nodir yn y gofrestr etholwyr (neu, yn achos etholwr sydd â chofrestriad dienw, ei rhif etholiadol yn unig) rhif unrhyw bapur pleidleisio drwy’r post newydd a roddwyd i’r etholwr os yw'r pleidleisiwr drwy’r post yn ddirprwy drwy'r post, enw a chyfeiriad y dirprwy
Cam 4	Ail-selio’r blwch pleidleisiau drwy’r post dylid gwahodd unrhyw asiantiaid sy'n bresennol i roi eu sêl eu hunain ar y blwch pleidleisiau drwy'r post sydd wedi'i ail-selio

Diweddarwyd ddiwethaf: 18 Tachwedd 2025