Mae plaid wleidyddol yn penderfynu codi arian ar wefan ariannu torfol i'w wario ar ymgyrchu cyffredinol.
Mae'r blaid yn creu tudalen cyllido torfol gyda 1 Medi fel y dyddiad cau.
Mae'r blaid yn dewis llwyfan cyllido torfol sy'n casglu digon o wybodaeth gan roddwyr i sicrhau ei bod yn gallu cwblhau ei rhwymedigaethau cofnodi ac adrodd, ac sy'n caniatáu i roddion gael eu dychwelyd os ydynt yn rhai nas caniateir.
Mae'r blaid yn cynnwys yr wybodaeth ganlynol ar ei thudalen cyllido torfol:
i bwy mae'r arian yn mynd a beth fydd ei ddefnydd – “Rydym yn codi arian i'r Blaid Lwyd ei wario ar ein hymgyrchoedd a gweithgareddau eraill yn y DU”
rhoi gwybod y cynhelir gwiriadau caniatâd ar gyfer rhoddion a wneir dros £500
rhoi gwybod y bydd rhoddion yn cael eu dychwelyd os nad oes modd dilysu'r rhoddwr, neu ei fod yn ffynhonnell nas caniateir
cyngor y gellir adrodd manylion rhoddion i'r Comisiwn Etholiadol fel rhan o ofynion adrodd y blaid, , ac yn eu tro y byddant ar gael i'r cyhoedd ar wefan y Comisiwn
argraffnod dilys
Erbyn y dyddiad cau, mae'r blaid wedi codi £8,000. Mae'r arian, ar ôl tynnu ffioedd y llwyfan, yn cael ei drosglwyddo i'r blaid bum diwrnod gwaith yn ddiweddarach. Mae’r rhoddion yn cynnwys:
Rhodd A: £3,000 wedi'i wneud ar 10 Awst, enw a chyfeiriad cartref y rhoddwr wedi'u derbyn
Rhodd B: £1900 wedi'i wneud ar 19 Ebrill, enw a chyfeiriad cartref y rhoddwr wedi'u derbyn
Rhodd C: rhodd preifat o £650 wedi'i wneud ar 27 Awst, enw a chyfeiriad e-bost y rhoddwr wedi'u derbyn
Sawl rhodd dan £500 wedi'u gwneud dros y cyfnod cyllido torfol
Mae'r blaid ganolog yn cael yr arian ar 8 Medi ac yn lawrlwytho gwybodaeth am y rhoddwyr o'r llwyfan cyllido torfol. Mae'r cyfnod 30 diwrnod ar gyfer gwiriadau caniatâd yn dechrau ar 8 Medi, gan mai dyma'r dyddiad derbyn.
Derbynnir rhodd A ar ôl i wiriadau caniatâd gael eu gwneud.
Mae'r blaid yn cynnal gwiriadau caniatâd ar Rodd B ac yn canfod bod y rhodd wedi dod o ffynhonnell nas caniateir. Mae'r blaid yn dychwelyd y rhodd i'r rhoddwr drwy'r llwyfan cyllido torfol.
Mae’r blaid dim ond yn derbyn enw a chyfeiriad e-bost y rhoddwr ar gyfer Rhodd C. Nid yw'r wybodaeth hon yn ddigon i wirio caniatâd. Mae'r blaid yn cysylltu â'r rhoddwr i ofyn am ei gyfeiriad cartref, ond nid yw'n cael ymateb. Mae'r blaid yn gwrthod y rhodd ac yn ei dychwelyd i'r rhoddwr.
Nid oes angen i'r blaid wirio cyfraniadau dan £500.
Pan fydd y blaidyn cwblhau ei hadroddiad rhoddion a benthyciadau ar gyfer Chwarter 3, mae'n cofnodi'r rhoddion dros £500 a dderbyniwyd ganddynt, a'r rhai a ddychwelwyd. Ni chaiff rhoddion o £500 neu lai eu cofnodi. Mae'r blaid yn cofnodi'r ffioedd a godir gan y llwyfan o dan y categori hysbysebu yn ei ffurflen gwariant.