Rhaid i chi ddychwelyd yr ernes £500 a roddwyd gan neu ar ran ymgeisydd os gwelir bod yr ymgeisydd wedi ennill mwy na 5% o gyfanswm nifer y pleidleisiau dilys a fwriwyd yn yr etholaeth.
Rhaid i chi ddychwelyd yr ernes i'r unigolyn a'i rhoddodd erbyn y diwrnod gwaith nesaf fan bellaf ar ôl i ganlyniad yr etholiad gael ei ddatgan.
Os byddwch yn dychwelyd ernes ar ffurf siec, ystyrir y caiff ei dychwelyd ar y diwrnod y caiff y siec ei phostio.
Ernesau a fforffedwyd
Rhaid i chi beidio â dychwelyd yr ernes os gwelir bod yr ymgeisydd wedi cael nifer o bleidleisiau a oedd yn hafal i 5% o gyfanswm y pleidleisiau dilys a fwriwyd neu'n llai na hynny.1
Yn yr achos hwn, caiff ei ernes ei fforffedu. Rhaid i chi anfon unrhyw ernesau a gollwyd at Ei Mawrhydi. Bydd yr Adran Ffyniant Bro, Tai a Chymunedau yn rhoi rhagor o wybodaeth am y broses hon.2