Canllaw cryno – Mynediad at ddogfennau etholiadol, eu cyflenwi a'u harchwilio ar ôl etholiad
Rydym wedi llunio canllawiau ar gyflenwi a chael mynediad at gofrestrau wedi'u marcio a dogfennaeth etholiadol arall, yn ein canllawiau i Swyddogion Cofrestru Etholiadol yng Nghymru a Lloegr ac mewn rhestr wirio mynediad a chyflenwi, y dylid ei defnyddio ochr yn ochr â'r canllawiau hyn.
Yn yr Alban, y Swyddog Canlyniadau sy'n gyfrifol am weinyddu'r gwaith o archwilio a chyflenwi cofrestrau wedi'u marcio a rhestrau pleidleiswyr absennol wedi'u marcio, nid y Swyddog Cofrestru Etholiadol. Gellir dod o hyd i ganllawiau penodol ar gyfer yr Alban yn unig ar y tudalennau sy'n dilyn.
I gael manylion am gadw ac archwilio dogfennau ar wariant etholiadol ymgeiswyr, gweler ein canllawiau ar Beth mae angen i chi wneud gyda ffurflenni gwariant.
Ceir canllawiau manwl pellach ar ddeddfwriaeth diogelu data yn ein canllawiau ar ddiogelu data.