Canllawiau i Swyddogion Canlyniadau (Gweithredol) ar weinyddu etholiad Senedd y DU ym Mhrydain Fawr

Argraffu'r canllawiau llawn

Casglu pleidleisiau post a ganslwyd

Lle cafodd papur pleidleisio drwy'r post ei ganslo, rhaid i chi gasglu'r datganiad pleidleisio drwy'r post a'r papur pleidleisio, lle cawsant eu dychwelyd, fel nad ydynt yn cael eu cyfrif.

Nid oes darpariaethau ar gyfer casglu papur pleidleisio drwy'r post sydd wedi'i adrodd ar goll / lle na dderbyniwyd papur pleidleisio drwy'r post.

Rhaid i chi sicrhau bod y blwch pleidleisio drwy'r post yn cael ei ailselio ym mhresenoldeb unrhyw asiantiaid sy'n bresennol pan fydd y papurau pleidleisio drwy'r post a ganslwyd wedi cael eu casglu o'r blwch pleidleisio drwy'r post.1

Canslo pleidleisiau post a ddychwelwyd2  

Dylech wneud trefniadau ar gyfer delio ag achos o ganslo ar ôl i becynnau pleidleisio drwy'r post gael eu hanfon a'u dychwelyd i chi, gan gynnwys:

  • sut y byddwch yn gallu casglu a chanslo unrhyw bapurau pleidleisio drwy'r post a datganiadau pleidleisio drwy'r post sy'n mynd drwy'r broses agor pleidleisiau post neu sydd eisoes wedi mynd drwy'r broses honno
  • sut y byddwch yn egluro'r hyn sy'n digwydd i ymgeiswyr ac asiantiaid mewn sesiwn agor lle mae angen i chi gasglu a chanslo papur pleidleisio drwy'r post 

Mae'r tabl hwn yn crynhoi'r camau y dylech eu cymryd i reoli'r broses o gasglu pleidleisiau post a ganslwyd:

Camau Camau i'w cymryd
Cam 1 Yn ystod sesiwn agor, dylid casglu'r datganiad pleidleisio drwy'r post o'r pecyn neu'r blwch priodol. 
  • Pan fyddwch yn casglu dogfennau, rhaid sicrhau eich bod yn weladwy i'r rhai sydd â'r hawl i fod yn bresennol yn yr achlysur agor amlenni pleidleisiau post. Rhaid i chi ddangos rhifau'r papurau pleidleisio ar unrhyw ddogfennau a ganslwyd. 
Cam 2 Agor y blwch pleidleisio drwy'r post perthnasol a chasglu'r papur pleidleisio
  • Dylech drefnu system ar gyfer gosod papurau pleidleisio drwy'r post mewn sypiau er mwyn gwneud y broses o gasglu unrhyw bleidleisiau post a ganslwyd yn haws 
Cam 3 Marcio'r dogfennau a gasglwyd drwy roi ‘canslwyd’ arnynt. Rhoi'r dogfennau a ganslwyd yn y pecyn perthnasol ac ychwanegu manylion at y rhestr o bapurau pleidleisio drwy'r post a ganslwyd

Rhaid i'r rhestr o bapurau pleidleisio drwy'r post a ganslwyd gynnwys y canlynol:3
  • enw a rhif yr etholwr fel y'u nodir ar y gofrestr etholwyr (neu, yn achos etholwr â chofnod dienw, dim ond ei rif etholiadol)
  • rhif y papur pleidleisio a ganslwyd
  • rhif unrhyw bapur pleidleisio drwy'r post newydd a anfonwyd at yr etholwr
  • os yw'r pleidleisiwr post yn ddirprwy sy'n pleidleisio drwy'r post, enw a chyfeiriad y dirprwy

Yn achos papurau pleidleisio a ddifethwyd sydd wedi'u canslo, mae'n rhaid i'r rhestr o bapurau pleidleisio a ddifethwyd sydd wedi'u canslo hefyd gynnwys y canlynol:4

  • enw a rhif yr etholwr fel y'u nodir ar y gofrestr etholwyr (neu, yn achos etholwr â chofnod dienw, dim ond ei rif etholiadol)
  • rhif unrhyw bapur pleidleisio drwy'r post newydd a anfonwyd at yr etholwr
  • os yw'r pleidleisiwr post yn ddirprwy sy'n pleidleisio drwy'r post, enw a chyfeiriad y dirprwy
Cam 4 Ailselio'r blwch pleidleisio drwy'r post
  • dylid gwahodd unrhyw asiantiaid sy'n bresennol i osod eu sêl eu hunain ar y blwch pleidleisio drwy'r post a ailseliwyd
Diweddarwyd ddiwethaf: 31 Hydref 2023