Cadw cofnodion o becynnau pleidleisio drwy'r post a gaiff eu derbyn a'u hagor
Mae cadw cofnodion o bleidleisiau post a gaiff eu derbyn a'u hagor yn allweddol er mwyn cynnal trywydd archwilio clir.
Mae'n ofynnol i chi gwblhau datganiad mewn perthynas â'r papurau pleidleisio drwy'r post ar gyfer yr ardal bleidleisio1
a bydd y cofnodion a gedwir gennych yn hanfodol er mwyn sicrhau bod y datganiad yn gyflawn ac yn gywir.
Dylech sicrhau bod yr holl ffigurau sydd eu hangen ar gyfer y datganiad wedi'u cofnodi'n gywir wrth dderbyn, agor a chadarnhau pleidleisiau post. Dylech wneud y canlynol:
cynnal trywydd archwilio clir ar gyfer derbyn ac agor pecynnau pleidleisio drwy'r post
cofnodi nifer yr amlenni a gaiff eu derbyn
cofnodi nifer yr amlenni a gaiff eu cyfrif
sicrhau bod yr holl ffigurau sydd eu hangen er mwyn cwblhau'r datganiad mewn perthynas â phapurau pleidleisio drwy'r post yn cael eu cofnodi'n gywir
Cadw cofnod o gyfanswm nifer yr amlenni a dderbyniwyd yn eich swyddfa ac a roddwyd mewn blwch pleidleisio i bleidleiswyr post at ddibenion archwilio er mwyn cymharu â nifer yr amlenni a gyfrifwyd fel rhan o'r broses agor
dylech hefyd gwblhau cyfrif papurau pleidleisio drwy'r post ar gyfer pob blwch pleidleisio drwy'r post - rydym wedi darparu templed
paratoi rhestr yn cofnodi'r canlynol:
cyfanswm nifer y pleidleisiau post a roddir ym mhob blwch pleidleisio drwy'r post
cyfanswm nifer y blychau pleidleisio i bleidleiswyr post
dylech hefyd drefnu papurau pleidleisio mewn sypiau er mwyn sicrhau y gallwch gasglu a chanslo unrhyw bapur pleidleisio penodol fel sy'n ofynnol – er enghraifft, os bu'n rhaid ailanfon yn dilyn gwall gweithdrefnol