Canllawiau i Swyddogion Canlyniadau sy’n gweinyddu etholiad y Senedd

Pwy all gyflwyno deiseb etholiadol ac ar ba sail?

Gellir defnyddio deiseb etholiadol i herio canlyniad etholiadau. Gall deiseb ar gyfer etholiad Senedd gael ei chyflwyno gan: 

• unigolyn sy'n honni iddo fod yn ymgeisydd yn yr etholiad, neu
• unigolyn sy'n honni bod ganddo hawl i gael ei ethol neu ei ddychwelyd yn yr etholiad, neu
• unigolyn a bleidleisiodd fel etholwr yn yr etholiad neu a oedd â hawl i bleidleisio yn yr etholiad

Ni chaiff etholwr sydd wedi cofrestru'n ddienw gyflwyno deiseb etholiadol.1

Beth yw'r sail dros ddeiseb etholiadol?2

Y seiliau a ganiateir dros ddeiseb etholiadol yw bod un o'r canlynol wedi digwydd:

• etholiad amhriodol
• canlyniad amhriodol

Pwy fydd yn cael ei wneud yn ymatebydd?

Yr unigolyn sydd wedi'i iawn ethol y mae amheuaeth ynghylch ei ethol fydd yn cael ei wneud yn ymatebydd i'r ddeiseb yn ôl pob tebyg. Os yw'r ddeiseb yn ymwneud â chynnal yr etholiad, gall y Swyddog Canlyniadau perthnasol hefyd fod yn ymatebydd i'r ddeiseb.3

Dyddiadau cau ar gyfer cyflwyno deisebau

Fel arfer mae gofyn i ddeiseb etholiadol y Senedd gael ei chyflwyno cyn pen 21 diwrnod calendr ar ôl dychwelyd enw'r ymgeisydd etholedig i'r Clerc.4

Gellir caniatáu rhagor o amser mewn rhai amgylchiadau.5

Dylid cynghori unrhyw berson sy'n ystyried cyflwyno deiseb etholiadol i gymryd eu cyngor cyfreithiol ei hun. Ar gyfer unrhyw gwestiynau'n ymwneud â deisebau etholiadol a'r broses o gyflwyno deisebau, yn cynnwys cadarnhad o'r dyddiadau cau, dylech gysylltu â'r Swyddfa Deisebau Etholiadol: 

The Election Petitions Office
Room E105
Royal Courts of Justice
Strand
London WC2A 2LL
E-bost: [email protected]
Ffôn: 020 7947 6877