Canllawiau i Swyddogion Canlyniadau sy’n gweinyddu etholiad y Senedd

| Argraffu'r canllawiau llawn

Derbyn a rheoli papurau pleidleisio a deunydd etholiadol yn y dilysu

Dylai fod gennych dîm o staff hyfforddedig sy’n gyfrifol am gofrestru derbyn pob blwch pleidleisio, y pleidleisiau drwy’r post a'r deunyddiau eraill a ddanfonwyd o orsafoedd pleidleisio. 

Dylech drefnu'r pecynnau a'r parseli o orsafoedd pleidleisio er mwyn i chi allu dod o hyd i unrhyw becyn yn ddidrafferth a gwneud trefniadau ar gyfer derbyn unrhyw ddyfeisiau a ffeiliau electronig sy'n cael eu defnyddio yn lle dogfennau ffisegol.

Dylid gwahanu’r sachau sy’n cynnwys y dogfennau y mae angen eu storio oddi wrth y rheini sy’n cynnwys eitemau a fydd yn cael eu hailddefnyddio, fel deunydd swyddfa cyffredinol.

Yna, gallwch ryddhau’r gwahanol ddeunyddiau a dderbynnir yn ôl o orsafoedd pleidleisio i’r staff sy’n derbyn yn y timau perthnasol, er mwyn gallu dechrau dilysu’r papurau pleidleisio nas defnyddiwyd ac agor y pleidleisiau drwy’r post a dderbyniwyd. Gall y prosesau hyn redeg ar yr un pryd â dilysu pleidleisiau a ddefnyddiwyd. 

Mae’r tabl canlynol yn crynhoi’r camau y dylech eu cymryd ar gyfer bob math o becyn wedi’i selio a dderbyniwyd:

 

Pecynnau wedi'u selio a dderbyniwydCamau i'w cymryd
Cyfrifon papurau pleidleisioEwch â'r cyfrifon papurau pleidleisio i’r staff sy’n delio â’r broses dilysu blychau pleidleisio i’w nodi ar y datganiad ynghylch canlyniad y dilysu
Papurau pleidleisio a ddifethwyd a phapurau pleidleisio nas defnyddiwyd
  • Dylech agor, cyfrif ac ailselio pob pecyn1
  • Rhowch y nifer a gyfrifwyd i’r staff dilysu
Papurau pleidleisio a gyflwynwyd a rhestr o bleidleisiau a gyflwynwyd
  • Peidiwch ag agor y pecynnau wedi’u selio o bapurau pleidleisio a gyflwynwyd2  
  • Agorwch ac ailseliwch y pecyn sy'n cynnwys y rhestr o bleidleisiau a gyflwynwyd a'i gwirio yn erbyn y cyfrifon papurau pleidleisio3

Rhestrau rhifau cyfatebol

Tystysgrifau cyflogaeth

Copïau o’r gofrestr wedi’u marcio

Rhestr dirprwyon

  • Peidiwch ag agor y pecynnau hyn4
  • Cadwch nhw wedi'u selio a'u diogelu drwy gydol y dilysu a'r cyfrif
Pleidleisiau drwy’r post a ddanfonwyd â llaw i’r orsaf bleidleisio neu i'r Swyddog Canlyniadau
  • Pleidleisiau drwy’r post agored a ddanfonwyd â llaw i’r orsaf bleidleisio neu swyddfeydd y cyngor
  • Gallwch wneud hyn naill ai yn y lleoliad dilysu neu mewn ryw safle. Yn y naill achos neu'r llall, byddwch angen dull ar waith i gofnodi nifer y pleidleisiau post a dderbyniwyd.

 

Yn unol â'ch polisi cadw dogfennu, dylech sicrhau'r canlynol:

  • bod y deunyddiau y mae'n rhaid i chi eu cadw dan sêl yn ddiogel drwy gydol y dilysu a'r cyfrif

  • bod unrhyw ddata personol yn cael ei ddinistrio ar yr adeg briodol.

Diweddarwyd ddiwethaf: 23 Ebrill 2026