Derbyn blychau wedi’u selio o bapurau pleidleisio drwy’r post yn y dilysu
Dylech ddod ag unrhyw bapurau pleidleisio drwy’r post a dderbyniwyd, a agorwyd ac a broseswyd yn flaenorol i’r lleoliad dilysu a chyfrif mewn blychau pleidleisio wedi’u selio, ynghyd â chyfrif papurau pleidleisio cysylltiedig ar gyfer pob blwch pleidleisio drwy’r post.
Mae angen i chi benderfynu ar y trefniadau mwyaf effeithiol ar gyfer dosbarthu a derbyn blychau wedi’u selio o bapurau pleidleisio drwy’r post o’r holl sesiynau agor pleidleisiau drwy’r post.
Dylai staff sy’n derbyn y blychau pleidleisio drwy’r post ddefnyddio rhestr wirio i sicrhau bod cyfrif cywir am yr holl flychau pleidleisio drwy’r post a chyfriflenni papurau pleidleisio drwy’r post.
Rhaid i chi ddilysu pob pecyn a blwch pleidleisio sy’n cynnwys papurau pleidleisio drwy’r post yn yr un ffordd ag unrhyw flwch pleidleisio o orsaf bleidleisio. Gan y bydd y rhain yn aml yn rhai o’r blychau cyntaf i gael eu dilysu, maent yn gyfle i feithrin hyder yn y broses ac yn y cyfrif yn ei gyfanrwydd.1