Canllawiau i Swyddogion Deisebau

Bydd angen i chi roi trefniadau ar waith i agor pecynnau llofnodi drwy'r post a dilysu dynodyddion personol, yn unol â'r rheoliadau ac yn debyg i'r hyn y byddech yn ei wneud ar gyfer pleidleisiau post mewn etholiad.

Derbyn pecynnau llofnodi drwy'r post

Gall pecynnau llofnodi drwy'r post gael eu dychwelyd atoch chi fel Swyddog Deisebau yn bersonol neu drwy'r post, neu'n bersonol mewn unrhyw fan llofnodi yn yr etholaeth.1  

Bydd angen i chi gydgysylltu â'r Post Brenhinol ynglŷn â dychwelyd pecynnau drwy'r post yn ystod y cyfnod llofnodi a chadarnhau unrhyw drefniadau ar gyfer chwiliad olaf ar ddiwrnod olaf y cyfnod llofnodi. 

Er mwyn i becyn llofnodi drwy'r post fod wedi'i ddychwelyd yn briodol, rhaid eich bod wedi'i dderbyn erbyn diwedd y cyfnod llofnodi.2 Bydd diwedd y cyfnod llofnodi fel y'i nodwyd yn eich hysbysiad o ddeiseb. 

Mae canllawiau llywodraeth y DU ar gyfer Swyddogion Deisebau egluro y bydd amser cau mannau llofnodi yn pennu'r terfyn amser ar gyfer derbyn pecynnau llofnodi drwy'r post ym mhob man llofnodi.

Pecynnau llofnodi drwy’r post a drosglwyddir â llaw  

Mae terfynau ar nifer y pecynnau llofnodi drwy’r post y gall unigolyn eu cyflwyno, a chyfyngiadau ar bwy all fod yn unigolyn sy'n cyflwyno'r pecynnau llofnodi drwy’r post. I gael rhagor o wybodaeth, gweler ein canllawiau i Swyddogion Canlyniadau Gweithredol ar bwy all gyflwyno pleidleisiau post.

Dylech ddilyn yr un prosesau ar gyfer cyflwyno pecynnau llofnodi drwy’r post â llaw ag yn etholiad Senedd y DU. I gael rhagor o wybodaeth, gweler ein canllawiau i Swyddogion Canlyniadau Gweithredol ar y weithdrefn i'w dilyn wrth dderbyn pleidleisiau post a gyflwynir yn swyddfeydd y cyngor. Mae’r llawlyfr gorsafoedd pleidleisio ar gyfer etholiadau Senedd y DU yn nodi'r weithdrefn i'w dilyn ar gyfer pecynnau llofnodi drwy’r post a gyflwynir yn yr orsaf llofnodi. 

Sesiynau agor a gwirio 

Fel rhan o'ch gwaith cynllunio ar gyfer y ddeiseb, bydd angen i chi nodi nifer y sesiynau agor amlenni taflenni llofnodi y bydd eu hangen yn eich barn chi a phryd y dylid eu cynnal, a gwneud trefniadau ar eu cyfer yn ôl yr angen.

Yr unig bobl a all fod yn bresennol yn ystod y sesiynau agor yw chi, clercod deiseb, cynorthwywyr penodedig ac unrhyw gynrychiolwyr o'r Comisiwn Etholiadol.3   Nid oes unrhyw ddarpariaeth i'r AS na'i gynrychiolwyr/chynrychiolwyr fod yn bresennol.

Mae'r gofynion ynglŷn â blychau post a chynwysyddion yn debyg i'r rhai mewn etholiad, hefyd y prosesau ar gyfer agor y prif amlenni, marcio'r rhestr llofnodwyr absennol, ymdrin ag achosion o wrthod dros dro, gwirio'r dynodwyd personol, cael hyd i'r taflenni llofnodi a ganslwyd, ac ati.4  Ceir rhagor o wybodaeth yn ein canllawiau ar bleidlais absennol gyfer Swyddogion Canlyniadau Gweithredol.

Y sesiwn agor derfynol

Dylech sicrhau bod angen agor cyn lleied o daflenni llofnodi drwy'r post yn ystod y cyfrif â phosibl er mwyn osgoi unrhyw oedi posibl i broses y cyfrif. 

Yn ystod y sesiwn derfynol, dylech lunio'n derfynol y rhestrau o becynnau llofnodi drwy'r post anghyflawn a ddychwelwyd.

Ar ôl cwblhau agor y pecynnau llofnodi drwy'r post olaf, mae'n ofynnol i chi selio'r gwahanol gynwysyddion a dogfennau'n ddiogel, a'u hanfon ymlaen / eu cadw. Ceir rhagor o fanylion yn yr adran ar Storio a gwaredu dogfennau5 . 

Paratoi cofnod o bwy a gafodd eu pecynnau llofnodi drwy’r post wedi’u gwrthod pan gawsant eu cyflwyno 

Fel mewn etholiad Senedd y DU, mae’n rhaid i chi gadw rhestr o unrhyw etholwr y gwrthodwyd ei becyn llofnodi drwy’r post ar y pwynt y cafodd ei gyflwyno (neu ei adael ar ôl) mewn man llofnodi neu yn swyddfa'r cyngor.6  I gael rhagor o wybodaeth, gweler ein canllawiau ar gofnodi taflenni llofnodi drwy'r post a gafodd eu gwrthod pan gawsant eu cyflwyno.

Hysbysiadau gwrthod datganiad deiseb drwy'r post

Y Swyddog Cofrestru Etholiadol sy'n gyfrifol am anfon hysbysiadau gwrthod datganiad deiseb drwy'r post o fewn tri mis i ddiwrnod olaf cyfnod llofnodi'r ddeiseb.