A oes angen cytundeb rhannu data ar gyfer eiddo Llwybr 3?
Bydd angen i chi benderfynu a oes angen cytundebau rhannu data ag unrhyw rai o'r unigolion cyfrifol ar gyfer eiddo Llwybr 3 rydych wedi'u nodi yn eich ardal.
Bydd y wybodaeth a gewch gan yr unigolyn cyfrifol yn cynnwys data personol, sy'n cael eu rhannu rhwng dau reolydd data. Er nad yw deddfwriaeth diogelu data yn ei gwneud yn ofynnol i gael cytundeb ysgrifenedig wrth rannu data rhwng rheolyddion data, mae'n arfer da llunio cytundeb rhannu data.
Bydd llunio cytundeb rhannu data â'r unigolyn cyfrifol yn dangos bod y ddau ohonoch yn gweithredu yn unol â deddfwriaeth diogelu data a bydd yn helpu i osgoi unrhyw oblygiadau o ran atebolrwydd o weld un parti fel rheolydd a'r llall fel prosesydd.