Eich rôl a'ch cyfrifoldebau fel Swyddog Cofrestru Etholiadol
Fel Swyddog Cofrestru Etholiadol rydych chi'n gyfrifol am lunio a chynnal y gofrestr etholwyr.
Mae’r canllawiau hyn yn cynnwys penodi Swyddogion Cofrestru Etholiadol, eich dyletswydd i gynnal canfasiad blynyddol, y broses cofrestru pleidleiswyr yn awtomatig, cynnal y gofrestr drwy gydol y flwyddyn, a’r adnoddau sy’n ofynnol i’ch cefnogi gyda’ch dyletswyddau. .
Sut mae Swyddogion Cofrestru Etholiadol yn cael eu penodi?
Er mwyn gallu pleidleisio mewn etholiadau yng Nghymru, mae'n rhaid i enw person fod ar gofrestr etholwyr. Fel Swyddog Cofrestru Etholiadol, rydych chi'n gyfrifol am lunio a chynnal y gofrestr etholwyr.
Rhaid i gyngor pob cyngor sir neu fwrdeistref sirol benodi swyddog cyfredol y cyngor i fod yn Swyddog Cofrestru Etholiadol.
Dylai'r Swyddog Cofrestru Etholiadol fod yn uwch swyddog, er enghraifft y Prif Weithredwr/Pennaeth y Gwasanaeth Cyflogedig, a dylai ymgymryd â hyfforddiant perthnasol i sicrhau ei fod yn meddu ar ac yn cynnal y sgiliau sy'n ofynnol ar gyfer y rôl, a dylai reoli gweithgarwch cofrestru etholiadol yn broffesiynol ac yn ddiduedd.