Rheoli diwygiadau, adolygiadau, gwrthwynebiadau a dileadau drwy gydol y flwyddyn
Mae’n ofynnol i chi gynnal y gofrestr drwy gydol y flwyddyn. Mae dull rhagweithiol yn ofynnol i sicrhau bod y gofrestr yn gywir ac yn gyflawn, bod yr holl bobl gymwys ar y gofrestr a bod y bobl nad ydynt gymwys yn cael eu dileu.
Mae’r adran hon yn y canllawiau yn cynnwys sut y dylech ymdrin â diwygiadau i gofnodion ar y gofrestr, adolygiadau o’r gofrestr, gwrthwynebiadau i gofrestriadau, y broses wrandawiad a dileu cofnodion o’r gofrestr.
Gall amgylchiadau unrhyw etholwr newid ar ôl iddo gael ei ychwanegu at y gofrestr, er enghraifft gall newid ei enw neu ei genedligrwydd.
Bydd yr adran hon yn egluro sut i brosesu’r newidiadau hyn a sut i nodi’n rhagweithiol pryd y mae’r newidiadau hyn yn digwydd.