Er mwyn i unigolyn fod yn gymwys i gofrestru i bleidleisio yng Nghymru, mae’n rhaid iddo fodloni’r meini prawf cymhwysedd perthnasol ar y dyddiad perthnasol. Mae tair agwedd ar yr hawl i fod wedi cofrestru:1
caiff cais ei wneud gan rywun sy’n ymddangos mai ef yw’r unigolyn sydd wedi’i enwi ar y cais
mae’r gofynion statudol mewn perthynas ag unrhyw gais, gan gynnwys sut y gellir ei wneud a’r wybodaeth y mae’n rhaid iddo ei chynnwys, wedi’u bodloni
mae’r unigolyn sydd wedi’i enwi ar y cais yn ymddangos i chi fel ei fod yn bodloni’r meini prawf cymhwysedd ar gyfer cofrestru ac nid yw wedi’i anghymwyso rhag cofrestru
Mae gennych hefyd ddyletswydd i gofrestru pobl benodol heb iddynt orfod gwneud cais.vi Cewch ragor o wybodaeth ynghylch sut i bennu cymhwysedd posibl unigolyn i gael ei gofrestru ar y gofrestr llywodraeth leol yn unig yn awtomatig yn ein canllawiau ar gofrestru pleidleiswyr yn awtomatig.