Cynnal cofrestru etholiadol - Cymru
Container landing page
Cynhyrchwyd y canllawiau hyn i gefnogi Swyddogion Cofrestru Etholiadol i gynllunio ar gyfer a darparu gwasanaethau cofrestru etholiadol o safon.
Maent wedi'u datblygu mewn ymgynghoriad agos â chydweithwyr ar draws y gymuned etholiadol, gan gynnwys Cymdeithas Prif Weithredwyr Awdurdodau Lleol (SOLACE), Cymdeithas y Gweinyddwyr Etholiadol (AEA), Cymdeithas Aseswyr yr Alban (SAA), Bwrdd Cynghori a Chydlynu Etholiadol y DU (ECAB), y Gweithgor Etholiadau, Cofrestru, a Refferenda (ERRWG), a Gweithgor Ymarferwyr Etholiadol Cymru (WEPWG).
Mae'n adlewyrchu rhwymedigaethau cyfreithiol y Swyddogion Cofrestru Etholiadol a'r hyn yr ydym ni, a chydweithwyr ar draws y gymuned etholiadol, yn credu y dylai Swyddogion Cofrestru Etholiadol ei ddisgwyl gan eu staff wrth gynllunio ar gyfer a darparu gwasanaethau cofrestru etholiadol o safon.
Safonau Perfformiad
Yn ogystal â'n rôl yn darparu cyngor a chanllawiau, rydym yn gosod safonau ac yn monitro perfformiad Swyddogion Cofrestru Etholiadol trwy ein fframwaith safonau perfformiad.
Mae ein canllawiau i'ch cefnogi i gyflawni eich swyddogaethau yn cynnwys yr hyn yr ydym yn disgwyl y bydd angen i Swyddogion Cofrestru Etholiadol ei gael ar waith a'r hyn y byddem yn disgwyl ei weld ar gyfer canlyniadau allweddol y safonau sydd i'w cyflawni. Dylech fod yn ymwybodol o'r fframwaith hwn wrth gynllunio a chyflawni eich swyddogaethau cofrestru.
I gael rhagor o wybodaeth am y fframwaith, gweler ein canllawiau safonau perfformiad ar gyfer Swyddogion Cofrestru Etholiadol.
Sut i ddefnyddio'r canllawiau hyn
Mae'r canllawiau wedi'u cyfeirio at y Swyddogion Cofrestru Etholiadol a'r dyletswyddau y maent yn eu cyflawni. Gan y gall y dyletswyddau hyn, yn ymarferol, gael eu cyflawni gan ddirprwyon a/neu staff penodedig, byddwn yn defnyddio'r term 'chi' drwy gydol y canllawiau hyn i olygu'r Swyddog Cofrestru Etholiadol a phwy bynnag sy'n cyflawni swyddogaethau'r Swyddog ar eu rhan.
Trwy gydol y canllaw hwn rydym yn defnyddio 'rhaid' i gyfeirio at ofyniad cyfreithiol penodol a 'gall / dylai' ar gyfer arfer argymelledig.
Er mwyn eich helpu i ddefnyddio'r canllaw hwn rydym wedi cynhyrchu dogfen Holi ac Ateb a ddylai ateb unrhyw ymholiadau cychwynnol sydd gennych.
Diweddariadau i'n canllawiau
| Dyddiad y diweddariad | Disgrifiad o'r newid |
|---|---|
| Tachwedd 2022 | Canllawiau Tystysgrifau Awdurdod Pleidleiswyr a Dogfennau Etholwyr Dienw wedi’u hychwanegu |
| Chwefror 2023 | Diweddariadau i:
|
| Mawrth 2023 | Diweddariad i’r canllawiau ar reoli lluniau a gyflwynwyd ar gyfer ceisiadau am y Dystysgrif Awdurdod Pleidleisiwr a’r Ddogfen Etholwr Dienw. |
| Ebrill 2023 | Diweddariadau i:
|
| Medi 2023 | Canllawiau wedi’u diweddaru ar Bleidleisio Absennol (Ar ôl dyddiad cychwyn mesurau’r Ddeddf Etholiadau) wedi’u hychwanegu |
| Hydref 2023 | Diweddariadau i: Cadarnhau canlyniad cais am bleidlais bost lle gall etholwr fod yn gymwys i bleidleisio drwy’r post mewn math gwahanol o etholiad. Y gofyniad i ddarparu llofnod newydd yn dilyn hysbysiad gwrthod lle rydych yn rheoli nifer o gofnodion pleidleisio absennol ar gyfer unigolyn. Mae newidiadau wedi’u gwneud lle nad oes dyddiad cau ar gyfer penderfynu ar geisiadau am bleidlais absennol, yn y canllawiau canlynol: Penderfynu ar geisiadau am bleidlais bost yn agos at etholiad (Ar ôl y dyddiad cychwyn) Y broses eithriadau ar gyfer ceisiadau am bleidlais bost (Ar ôl y dyddiad cychwyn) Y broses ardystio ar gyfer ceisiadau am bleidlais bost (Ar ôl y dyddiad cychwyn) Penderfynu ar geisiadau am bleidlais drwy ddirprwy yn agos at etholiad (Ar ôl y dyddiad cychwyn) Y broses eithriadau ar gyfer ceisiadau am bleidlais drwy ddirprwy (Ar ôl y dyddiad cychwyn) Y broses ardystio ar gyfer ceisiadau am bleidlais drwy ddirprwy (Ar ôl y dyddiad cychwyn) |
| Rhagfyr 2023 | Canllawiau wedi’u diweddaru ar Etholwyr tramor (Ar ôl dyddiad cychwyn mesurau'r ddeddf etholiadau) wedi’u hychwanegu |
| Ionawr 2024 | Canllawiau wedi’u diweddaru ar y broses Cadarnhau ac Adolygu Cymhwysedd ar gyfer Dinasyddion yr Undeb Ewropeaidd wedi’u hychwanegu |
| Mai 2024 | Wedi diweddaru’r canllawiau canlynol ar y newid i gymhwysedd dinasyddion yr UE i gofrestru: Sut y dylid cofrestru etholwr â chenedligrwydd deuol? A gaiff dinesydd y Gymanwlad gofrestru i bleidleisio? Gall dinesydd o’r Undeb Ewropeaidd gofrestru i bleidleisio? Dinasyddion o ba wledydd a gaiff bleidleisio ym mha etholiadau? Gofyn am dystiolaeth o genedligrwydd neu statws mewnfudo rhywun |
Awst 2024 |
Cadarnhau cymhwysedd yr ymgeisydd i gofrestru o dan yr amod cofrestriad blaenorol Cadarnhau cymhwysedd yr ymgeisydd i gofrestru o dan yr amod preswylfa flaenorol Defnyddio tystiolaeth i helpu i benderfynu ar amodau cymhwysedd cais etholwr tramor |
| Ebrill 2026 |
Wedi diweddaru'r canllawiau canlynol ar hawliau pleidleisio unigolion o Hong Kong: A all dinesydd o'r Tiriogaethau Tramor Prydeinig gofrestru i bleidleisio? |
| Gorffennaf 2026 | Diweddarwyd y canllawiau pleidleisio absennol i adlewyrchu estyniad ceisiadau ar-lein am bleidlais absennol ar gyfer etholiadau'r Senedd ac etholiadau llywodraeth leol yng Nghymru, a ddaw i rym ar 3 Tachwedd 2026. Ychwanegwyd canllawiau ar gamau trosiannol ar gyfer ceisiadau ar-lein am bleidlais absennol. |
| Medi 2026 | Y canllawiau Cofrestru Pleidleiswyr yn Awtomatig wedi’u hychwanegu a’r canllawiau Cynnal Cofrestru Etholiadol - Cymru wedi’u diweddaru i adlewyrchu’r camau gweithredu gofynnol i’w cymryd unwaith y bydd cofrestru awtomatig yn cael ei gyflwyno yng Nghymru. Diweddaru’r canllawiau Cynnal y gofrestr i adlewyrchu dilead y gofyniad i baratoi cofrestrau diwygiedig etholiadau llywodraeth leol yng Nghymru. |
| Tachwedd 2026 | Diweddarwyd y canllawiau Pleidleisio Absennol drwyddi draw i adlewyrchu’r darpariaethau a gyflwynwyd ar gyfer y canlynol:
Maent bellach mewn grym. |