Gwariant pleidiau a rhoddion a benthyciadau cyn y bleidlais: Etholiad cyffredinol Senedd y DU

Rhaid i bleidiau gwleidyddol sy'n ymladdyr etholiad roi gwybod i ni ar ôl yr etholiad am fanylion eu gwariant ar ymgyrchu. 1

Cofnodi gwariant ar ymgyrch

Rhaid i chi gofnodi'ch holl wariant ar ymgyrch. Bydd angen i chi anfon y wybodaeth hon atom ar eich ffurflen gwariant ar ôl yr etholiad. 

Rhaid i chi gadw anfonebau neu dderbynebion ar gyfer unrhyw daliadau dros £200.

Rhaid i bob cost gynnwys TAW, hyd yn oed os gallwch adennill taliadau TAW.

Yr hyn y mae angen i chi ei gofnodi

Ar gyfer pob eitem gwariant, rhaid i chi gofnodi'r wybodaeth ganlynol i'w rhoi ar eich ffurflen gwariant:

• ar gyfer beth roedd y gwariant - er enghraifft, taflenni neu hysbysebu 
• enw a chyfeiriad y cyflenwr
• ar gyfer taliad a wneir, y swm
• ar gyfer gwariant tybiannol, y gwerth – gweler Prisio gwariant tybiannol 
• ar ba ddyddiad y gwnaethoch wario'r arian