Etholiad Senedd 2026: Gwariant plaid

| Argraffu'r canllawiau llawn

Diweddariadau i’n canllawiau

Dyddiad y diweddariad	Disgrifiad o'r newid
Medi 2025	Ers yr etholiad Senedd diwethaf, ailysgrifennwyd y canllaw hwn mewn ffurf HTML. Fel rhan o’r broses ailysgrifennu, rydym wedi gwneud y diweddariadau nodedig canlynol: Adran newydd ar bleidiau gydag unedau cyfrifyddu, a sut mae hynny’n gweithio gyda gwariant plaid mewn cyfnod a reoleiddir Adran newydd ar daliadau TAW Cael gwared ar yr adran gwahanu gwariant rhwng ymgeisydd a phlaid, gan mai gwariant plaid fydd yr holl wariant i gefnogi ymgeiswyr rhestr plaid Gwybodaeth bellach am dreuliau personol yr ymgeisydd Mae yna ddiweddariadau hefyd i adlewyrchu newidiadau deddfwriaethol, gan gynnwys: Cael gwared ar gyfeiriadau at etholiadau rhanbarthol Bellach, rhaid i’r trysorydd dalu treuliau personol a ysgwyddir gan ymgeiswyr rhestr plaid sy’n fwy na £900

Dyddiad y diweddariad

Disgrifiad o'r newid

Medi 2025

Ers yr etholiad Senedd diwethaf, ailysgrifennwyd y canllaw hwn mewn ffurf HTML.

Fel rhan o’r broses ailysgrifennu, rydym wedi gwneud y diweddariadau nodedig canlynol:

Adran newydd ar bleidiau gydag unedau cyfrifyddu, a sut mae hynny’n gweithio gyda gwariant plaid mewn cyfnod a reoleiddir
Adran newydd ar daliadau TAW
Cael gwared ar yr adran gwahanu gwariant rhwng ymgeisydd a phlaid, gan mai gwariant plaid fydd yr holl wariant i gefnogi ymgeiswyr rhestr plaid
Gwybodaeth bellach am dreuliau personol yr ymgeisydd

Mae yna ddiweddariadau hefyd i adlewyrchu newidiadau deddfwriaethol, gan gynnwys:

Cael gwared ar gyfeiriadau at etholiadau rhanbarthol
Bellach, rhaid i’r trysorydd dalu treuliau personol a ysgwyddir gan ymgeiswyr rhestr plaid sy’n fwy na £900

Ynghylch y canllawiau hyn

Dan Ddeddf Pleidiau Gwleidyddol, Etholiadau a Refferenda 2000 (PPERA), mae yna gyfreithiau ar godi arian a gwariant y mae’n rhaid i bleidiau gwleidyddol eu dilyn yn y cyfnod cyn etholiadau penodol.

Mae'r canllawiau hyn yn rhoi gwybodaeth am y cyfnod a reoleiddir, terfynau gwariant, gwariant ar ymgyrch, gofynion adrodd a dyddiadau cau ar gyfer etholiad y Senedd ar 7 Mai 2026.

Gall ymgeiswyr yn etholiad y Senedd sefyll fel ymgeisydd unigol neu ymgeisydd rhestr plaid yn un o’r 16 etholaeth.

Mae’r canllawiau hyn yn berthnasol i ymgeiswyr rhestr plaid a phleidiau gwleidyddol yn unig. Mae’r rheolau i ymgeiswyr unigol yn wahanol. Rydym wedi cynhyrchu canllawiau ar wahân i ymgeiswyr a’u hasiantiaid, sydd i'w cael yma: Canllawiau i ymgeiswyr ac asiantiaid: etholiad y Senedd.

Pan mae pleidiau yn cyhoeddi deunyddiau etholiad, rhaid iddynt gynnwys manylion a elwir yn argraffnod. Mae gennym ganllawiau ar wahân ar argraffnodau.

Termau ac ymadroddion yr ydym yn eu defnyddio

Yn y canllaw hwn, rydym yn defnyddio ‘rhaid’ pan fyddwn yn cyfeirio at ofyniad penodol. Rydym yn defnyddio ‘dylai’ ar gyfer eitemau sy'n arferion da sylfaenol yn ein barn ni, ond nad ydynt yn ofynion cyfreithiol.

Rydym yn defnyddio ‘chi’ neu’r ‘person cyfrifol’ i gyfeirio at y person sy’n gyfrifol am wariant ar ymgyrch. Y swyddog ymgyrch cofrestredig fydd y person hwn, os oes un wedi’i benodi, neu’r trysorydd cofrestredig fel arall.

Cyfieithiadau a fformatau eraill

Am wybodaeth ynghylch caffael y cyhoeddiad hwn mewn iaith arall neu mewn fersiwn Braille, cysylltwch â’r Comisiwn Etholiadol:

Ffôn: 0333 103 1928

E-bost: [email protected]

Canllawiau ar amrywiaeth a chynhwysiant i bleidiau gwleidyddol cofrestredig

Dan Ddeddf Etholiadau a Chyrff Etholedig (Cymru) 2024, mae gan Weinidogion Cymru ddyletswydd i gynhyrchu canllawiau i bleidiau gwleidyddol cofrestredig i’w hannog i hyrwyddo amrywiaeth eu hymgeiswyr ar gyfer etholiadau Cymru. O ganlyniad i hyn, mae Llywodraeth Cymru wedi cyhoeddi canllawiau gwirfoddol i bleidiau. Am fanylion, gweler llyw.cymru/canllawiau-ar-amrywiaeth-chynhwysiant-ar-gyfer-pleidiau-gwleidyddol-cofrestredig.