Os gwrthodwn eich cais yn ei gyfanrwydd, neu os gwrthodwn nod adnabod penodol, gallwch gyflwyno cais newydd. Caiff pob cais ei asesu yn erbyn y gofynion statudol yn Neddf Pleidiau Gwleidyddol, Etholiadau a Refferenda 2000.
Byddwn bob amser yn egluro'n fanwl y rhesymau pam rydym wedi gwrthod cais. Os oes gennych gwestiynau am y rhesymau dros ein gwrthodiad, cysylltwch â ni.
Nid oes hawl statudol i apelio yn erbyn ein penderfyniad. Os ydych chi'n anghytuno â'n penderfyniad a'r rhesymau drosto, gallwch wneud cais i lys am adolygiad barnwrol o'n penderfyniad.
Os ydych chi'n credu nad ydym wedi dilyn ein gweithdrefnau gweinyddol datganedig wrth ystyried eich cais, gallech holi a fyddai'r Ombwdsmon Seneddol a Gwasanaethau Iechyd yn ystyried y mater.
Cyn i chi wneud hynny, byddai angen i chi fwrw ymlaen yn gyntaf o dan ein proses gwyno y cyfeirir ati isod. Mae hyn yn cynnwys:
methiant i gasglu neu ystyried gwybodaeth benodol yn briodol
rhagfarn wrth ddod i benderfyniad
oedi afresymol
Rhaid i chi fod yn glir ynglŷn â’ch cwyn, gan ddarparu tystiolaeth lle bo modd, yn hytrach na dim ond anghytuno â chanlyniad penderfyniad.