Sut i gofrestru eich plaid wleidyddol

Mae arwyddlun yn farc adnabod dewisol, gyda'r bwriad o fod yn gynrychiolaeth weledol o'r blaid, yn debyg i logo ar gyfer cwmni. Yn ogystal ag enw neu ddisgrifiad plaid, gall arwyddlun helpu pleidleiswyr i adnabod plaid ar bapurau pleidleisio. Gall plaid gofrestru hyd at dri arwyddlun. 

Er mwyn i ymgeisydd y blaid ddefnyddio arwyddlun ar bapur pleidleisio, rhaid i’r arwyddlun cael ei gofrestru â’r Comisiwn Etholiadol yn gyntaf.

Pan fwriedir i arwyddlun fod yn gynrychiolaeth weledol ar gyfer plaid, mae hyn yn aml ar ffurf symbol neu lun. Gall yr arwyddlun hefyd gynnwys testun, a gall pleidiau ddewis defnyddio acronym, ffontiau steiliedig, neu gefndir cysgodol a thywyll i greu arwyddlun.

Os defnyddir acronym neu dalfyriad, mae angen ysgrifennu’r testun yn llawn os nad yw’n acronym adnabyddus megis ‘DU’ neu ‘GIG’.

Ni fyddwn yn derbyn arwyddluniau sydd ond yn cynnwys testun plaen, rhaid i unrhyw arwyddlun sy’n cael ei gyflwyno cynnwys elfen dylunio i fod yn gymwys fel arwyddlun. 

Gall arwyddluniau dim ond cael eu cofrestru mewn du a gwyn neu lwyd gan mai dyma sut y byddant yn cael eu hargraffu ar bapurau pleidleisio.

Ceir arwyddluniau eu hargraffu ar bapurau pleidleisio mewn maint 2cm². Mae'n rhaid i unrhyw ddelwedd neu destun o fewn eich arwyddlun fod yn glir pan fyddwch chi'n edrych arno gan ddefnyddio'r maint hwn. I sicrhau darllenadwyedd, dylai unrhyw destun yn eich arwyddlun fesur o leiaf 1.2mm o uchder wrth ei raddio i'r maint hwn

Wrth gyflwyno arwyddlun, sicrhewch eich bod yn cwtogi unrhyw ofod gwyn o amgylch cynnwys yr arwyddlun, er mwyn sicrhau bod y gofod cyfan yn cael ei ddefnyddio.

Derbyniol

Annerbyniol

Nid oes angen cofrestru delweddau eraill a geir ar bamffledi, ar gyfryngau cymdeithasol neu ar wefan y blaid os nad ydynt hefyd wedi'u bwriadu i ymddangos ar bapurau pleidleisio.

Os ydych yn cyflwyno cais drwy’r post, dylech hefyd anfon neges e-bost atom yn cynnwys yr arwyddlun gan ddefnyddio [email protected]