Ymgyrchwyr nad ydynt yn bleidiau: Etholiadau cyffredinol Senedd y DU

Argraffu'r canllawiau llawn

Gwariant a dargedir

Mae gwariant ymgyrchu a reoleiddir gan bob ymgyrchydd di-blaid cofrestredig yn ystod y cyfnod a reoleiddir ar gyfer etholiad cyffredinol i Senedd y Deyrnas Unedig sydd â’r nod o hybu llwyddiant etholiadol un blaid wleidyddol gofrestredig benodol neu unrhyw un neu ragor o’i hymgeiswyr yn cael ei alw’n wariant wedi’i dargedu.1

Bydd gwariant wedi’i dargedu yn cyfrif tuag at y terfyn gwariant cyffredinol ar gyfer ymgyrchydd di-blaid ac mae’n dod o dan y cyfreithiau cyffredinol ar weithgaredd ymgyrchu a reoleiddir.

Beth yw gwariant a dargedir?

Ni fydd gwariant ar weithgarwch ymgyrchu yn cael ei ystyried yn wariant wedi’i dargedu oni bai bod yr ymgyrch yn dynodi’r blaid wleidyddol neu ei hymgeiswyr.

  • Bydd gweithgaredd ymgyrchu sy’n enwi un blaid wleidyddol neu ei hymgeiswyr mewn ffordd y gellir ystyried ei bod wedi’i bwriadu i ddylanwadu ar bleidleiswyr i bleidleisio dros y blaid wleidyddol honno yn unig yn cyfrif fel gwariant wedi’i dargedu.
  • Bydd gweithgaredd ymgyrchu sy’n dynodi un blaid wleidyddol neu ei hymgeiswyr mewn ffordd y mae’n rhesymol ystyried ei bod wedi’i bwriadu i ddylanwadu ar bleidleiswyr i bleidleisio dros y blaid wleidyddol honno yn unig yn cyfrif fel gwariant wedi’i dargedu. Gallai hyn ddigwydd drwy ddefnyddio slogan ymgyrch, logo plaid, neu bolisi sy’n gyfystyr â dim ond un blaid wleidyddol.

Er mwyn cyfrif fel gwariant a dargedir, mae'n rhaid ystyried yn rhesymol mai bwriad gwariant yw dylanwadu ar bleidleiswyr i bleidleisio dros un blaid wleidyddol yn unig neu unrhyw un o'i hymgeiswyr. Ni fydd yn wariant a dargedir os bwriedir iddo hefyd ddylanwadu ar bleidleiswyr i bleidleisio dros unrhyw blaid arall neu unrhyw un o'i hymgeiswyr.

Beth na gaiff ei ystyried yn wariant a dargedir?

Nid yw ymgyrch negyddol sydd â’r nod o ddylanwadu ar bleidleiswyr i beidio â phleidleisio dros blaid wleidyddol benodol nac unrhyw un neu ragor o’i hymgeiswyr yn wariant wedi’i dargedu.

Nid yw rhoddion i blaid wleidyddol gofrestredig yn dod o fewn y diffiniad o wariant wedi’i dargedu.

Diweddarwyd ddiwethaf: 19 Rhagfyr 2023