Yr unigolyn sydd wedi'i (h)iawn ethol y ceir amheuaeth ynghylch ei (h)ethol ei wneud fydd yr ymatebydd i'r ddeiseb. Os bydd y ddeiseb yn ymwneud â threfn cynnal yr etholiad, efallai y byddwch hefyd yn ymatebydd i'r ddeiseb fel Swyddog Canlyniadau (Gweithredol).
Dyddiadau cau a lleoliadau ar gyfer cyflwyno deisebau
Yng Nghymru a Lloegr, y llys priodol ar gyfer ymdrin â deisebau yw’r Uchel Lys. Yn yr Alban, Llys y Sesiwn yw’r llys priodol.
Fel arfer rhaid i ddeiseb mewn etholiad Senedd y DU gael ei chyflwyno o fewn 21 diwrnod calendr ar ôl dyddiad dychwelyd y gwrit i Glerc y Goron (a fydd yn y rhan fwyaf o achosion y diwrnod ar ôl yr etholiad).3
Dylid cynghori unrhyw un sy'n ystyried cyflwyno deiseb etholiadol i geisio ei gyngor cyfreithiol ei hun. Ar gyfer unrhyw gwestiynau sy'n ymwneud â deisebau etholiadol a'r broses o gyflwyno deisebau yng Nghymru a Lloegr, gan gynnwys cadarnhad ynglŷn â'r dyddiadau cau, dylech gysylltu â'r Swyddfa Deisebau Etholiadol:
The Election Petitions Office Room E105 Royal Courts of Justice Strand London WC2A 2LL