Ar ôl i'r holl bapurau pleidleisio gael eu didoli ac ar ôl i ddyfarniadau ynglŷn ag unrhyw bleidleisiau amheus gael eu gwneud, gall y dasg allweddol o gysoni ddechrau.
Dylai'r holl brosesau gael eu cynnal o fewn fframwaith mor agored a thryloyw â phosibl sy'n cael ei weithredu drwy amrywiol gamau'r broses gyfrif fel y gall pob ymgeisydd ac asiant ymddiried yn y prosesau a'r cyfanswm lleol dros dro a roddwyd
Rhaid i chi gyfrif yr holl fwndeli a bwndeli rhannol o bapurau pleidleisio sy'n dangos pleidlais ddilys pob ymgeisydd.1
Yna rhaid i chi adio'r cyfanswm ar gyfer pob ymgeisydd at gyfanswm nifer y papurau pleidleisio a wrthodwyd. Dylai'r ffigur hwn gyfateb yn union i'r ffigur sy'n rhoi cyfanswm nifer y papurau pleidleisio a gafwyd ar ddiwedd y broses ddilysu.
Os bydd y ddau ffigur yn gyson, dylech fwrw ymlaen â'r broses o ymgynghori â'r Swyddog Canlyniadau Ardal Heddlu ynglŷn â'r cyfanswm lleol dros dro2
, yn ogystal â hysbysu'r ymgeiswyr a'r asiantiaid sy'n bresennol.
Gweithdrefn ar gyfer canlyniadau anghyson
Dylech fod yn fodlon bod y canlyniad neu'r cyfansymiau (fel y bo'n briodol) yn adlewyrchu'r papurau pleidleisio a gafwyd. Os nad yw'r ffigurau yn gyson, dylech gymryd camau i nodi'r anghysondeb a datrys y broblem, er enghraifft drwy:
edrych yn y man storio a sicrhau bod yr holl flychau pleidleisio wedi cael eu hagor a'u bod yn wag
edrych ar y lloriau a'r arwynebau rhag ofn bod papurau pleidleisio wedi cael eu gollwng yn lleoliad y cyfrif
edrych eto ar y ffigurau dilysu a'r ymarfer cysoni rhag ofn eu bod yn cynnwys camgymeriadau cyfrifo
sicrhau eich bod wedi cyfrif am bob papur pleidleisio a wrthodwyd
sicrhau bod yr holl fwndeli a bwndeli rhannol wedi cael eu cyfrif
ystyried ailgyfrif y papurau pleidleisio yn y bwndeli
Dylech hefyd wneud unrhyw wiriadau eraill sy'n angenrheidiol, yn eich barn chi.
1. Para 52(3) Atodlen 3 Gorchymyn Etholiadau Comisiynwyr yr Heddlu a Throseddu 2012 (PCCEO 2012) ↩ Back to content at footnote 1