Dylech sicrhau bod system ar waith i gadw cofnodion o'ch holl wariant ymgeisydd fel y gallwch gydymffurfio â'ch cyfrifoldebau i roi gwybod am wariant ar ôl yr etholiad. Mae gan asiantiaid etholiad gyfrifoldeb i roi gwybod am wariant ar ôl yr etholiad.
Yr hyn y mae angen i chi ei gofnodi
Ar gyfer pob eitem gwariant, dylech gofnodi'r wybodaeth ganlynol i'w chynnwys ar eich ffurflen gwariant ar ôl yr etholiad:
ar gyfer beth roedd y gwariant – er enghraifft, taflenni neu hysbysebu
enw a chyfeiriad y cyflenwr
y swm neu'r gwerth
ar ba ddyddiad y gwnaethoch wario'r arian
Rhaid i bob cost gynnwys TAW, hyd yn oed os gallwch adennill taliadau TAW.
Rhaid i chi gadw anfonebau neu dderbynebau ar gyfer unrhyw daliadau o £20 neu drosodd. 1
Efallai y bydd yr asiant am gadw copïau o bob enghraifft o ddeunydd ymgyrchu (fel llythyrau neu daflenni) a ddefnyddir rhag ofn y bydd angen iddo gyfeirio'n ôl atynt.
Rhaid i chi hefyd gofnodi manylion gwariant:
pan fyddwch yn defnyddio eitemau a ddarparwyd i chi
pan fyddwch yn awdurdodi rhywun arall i fynd i wariant