Derbyn blychau papurau pleidleisio drwy'r post wedi'u selio yn y lleoliad dilysu
Dylech ddod ag unrhyw bapurau pleidleisio drwy'r post a gafodd eu derbyn, eu hagor a'u prosesu yn flaenorol i'r lleoliad dilysu a chyfrif mewn blychau pleidleisio wedi'u selio, ynghyd â chyfrif papurau pleidleisio ar gyfer pob blwch pleidleisio drwy'r post.
Bydd angen i chi benderfynu ar y trefniadau mwyaf effeithiol ar gyfer dosbarthu a derbyn blychau papurau pleidleisio drwy'r post wedi'u selio o bob un o'r sesiynau agor amlenni pleidleisiau post.
Dylai'r staff sy'n derbyn y blychau pleidleisio drwy'r post ddefnyddio rhestr wirio er mwyn sicrhau y cyfrifir am bob blwch pleidleisio drwy'r post a phob cyfrif papurau pleidleisio drwy'r post yn gywir.
Rhaid i chi ddilysu pob pecyn a phob blwch pleidleisio sy'n cynnwys papurau pleidleisio drwy'r post yn yr un modd ag unrhyw flwch pleidleisio o orsaf bleidleisio. Gan y bydd y rhain yn aml ymhlith y blychau cyntaf i'w dilysu, maent yn cynnig cyfle i ennyn hyder yn y broses ac yn y cyfrif yn gyffredinol.1