Delio â phapurau pleidleisio drwy’r post sydd wedi’u torri neu eu rhwygo
Weithiau, fe welwch fod etholwyr wedi torri neu rwygo eu papurau pleidleisio drwy’r post a gwblhawyd. Bydd angen i chi benderfynu a yw’r darn a ddychwelwyd yn bapur pleidleisio dilys.
Mae sawl senario amrywiol yn gallu codi:
Senario
Derbyn yn y cam dilysu pleidleisiau post?
Derbyn yn y cyfrif?
Mae y darn gyda rhif y papur pleidleisio a'r marc swyddogol arno
Ie – Bydd y papur pleidleisio yn mynd drwy’r broses dilysu pleidleisiau post (gan ei fod yn cynnwys rhif y papur pleidleisio) ac yn mynd ymlaen i’r cyfrif.
Ie - Gellid derbyn hon fel pleidlais ddilys yn y cyfrif, ar yr amod bod bwriad y pleidleisiwr yn glir.
Dim ond rhif y papur pleidleisio sydd ar y darn ac nid oes marc swyddogol
Ie – Bydd y papur pleidleisio’n mynd drwy’r broses dilysu pleidleisiau post ac yn mynd ymlaen i’r cyfrif.
Na - Rhaid ei wrthod yn y cyfrif gan nad yw'n cynnwys y marc swyddogol.
Dim ond y marc swyddogol sydd ar y darn, a dim rhif y papur pleidleisio
Na – Rhaid i’r papur pleidleisio gael ei wrthod yn ystod y cam dilysu pleidleisiau post gan na fydd yn cael ei gyfateb wrth agor amlen ‘A’ nac yn erbyn y datganiad pleidlais bost.
DDIM YN BERTHNASOL
Nid oes gan y darn farc swyddogol na rhif papur pleidleisio
Na – Rhaid i’r papur pleidleisio gael ei wrthod yn ystod y cam dilysu pleidleisiau post gan na fydd yn cael ei gyfateb wrth agor amlen ‘A’ nac yn erbyn y datganiad pleidlais bost.