A oes angen cytundebau rhannu data pan fyddaf yn defnyddio data lleol?
Os byddwch yn gofyn am gael archwilio data a/neu wneud copïau ohonynt, ni all deiliad y data ddefnyddio cyfyngiad statudol na chyfyngiad arall, gan gynnwys deddfwriaeth diogelu data, er mwyn gwrthod datgelu data i chi.1
P'un a ydych yn cynnal ymarfer paru data lleol eich hun neu'n rhoi ymarfer paru data lleol ar gontract allanol, bydd y wybodaeth a gewch yn cynnwys data personol sy'n cael eu rhannu rhwng dau reolydd data.
Er nad yw deddfwriaeth diogelu data'r DU yn ei gwneud yn ofynnol i gael cytundeb ysgrifenedig wrth rannu data rhwng rheolyddion data, mae'n arfer da llunio cytundeb rhannu data.
Mae cytundebau o'r fath yn dangos bod pob parti yn gweithredu yn unol â deddfwriaeth diogelu data a bydd yn helpu i osgoi unrhyw oblygiadau o ran atebolrwydd o weld un parti fel rheolydd a'r llall fel prosesydd.
A oes angen cytundeb rhannu data arnaf wrth ddefnyddio data a ddelir gan awdurdod lleol?
Os ydych yn cael gwybodaeth gan eich cyngor eich hun i
ganfod enwau a chyfeiriadau pobl nad ydynt wedi'u cofrestru ond y mae ganddynt yr hawl i gael eu cofrestru, neu
nodi'r bobl hynny sydd wedi'u cofrestru ond nad oes ganddynt yr hawl i gael eu cofrestru
dylai cytundeb ysgrifenedig rhyngoch chi a'r cyngor sy'n rheoleiddio'r gwaith o brosesu'r wybodaeth fod ar waith a dylai'r cytundeb hwn gynnwys manylion am drosglwyddo, storio a dinistrio data a threfniadau diogelwch.