Atgynhyrchu enwau a ddefnyddir yn gyffredin ar ddeunydd etholiad
Mae'r tabl isod yn cynnwys nifer o enghreifftiau o gyfuniadau amrywiol o enwau a ddefnyddir yn gyffredin a sut y byddai hyn yn effeithio ar ymddangosiad enw'r ymgeisydd ar y datganiad ynghylch y personau a enwebwyd, yr hysbysiad pleidleisio a'r papur pleidleisio:
Cyfenw gwirioneddol yr ymgeisydd
Enwau eraill yr ymgeisydd yn llawn
Enwau cyntaf a ddefnyddir yn gyffredin
Cyfenw a ddefnyddir yn gyffredin
Enw i'w nodi ar y datganiad ynghylch y personau a enwebwyd a'r hysbysiad pleidleisio
Enw i'w nodi ar y papurau pleidleisio
Etholwr
Ann
Elsie
Pleidleisiwr
Pleidleisiwr, Elsie
PLEIDLEISIWR, Elsie
Etholwr
Ann
[Gwag]
Pleidleisiwr
Pleidleisiwr, Ann
PLEIDLEISIWR, Ann
Etholwr
Ann
Elsie
[Gwag]
Etholwr, Elsie
ETHOLWR, Elsie
Etholwr-Pleidleisiwr
Ann
[Gwag]
Pleidleisiwr
Pleidleisiwr, Ann
PLEIDLEISIWR, Ann
Os caiff y blwch ar gyfer enwau cyntaf a ddefnyddir yn gyffredin neu gyfenw a ddefnyddir yn gyffredin ei adael yn wag, yna bydd enwau cyntaf neu gyfenw gwirioneddol yr ymgeisydd, yn dibynnu ar ba flwch ar gyfer enwau a ddefnyddir yn gyffredin a adawyd yn wag, yn mynd ar y datganiad ynghylch y personau a enwebwyd, yr hysbysiad pleidleisio ac ar y papur pleidleisio.
Dylech gynghori'r ymgeisydd bod y defnydd o enwau cyffredin ond yn gymwys i'r datganiad ynghylch y personau a enwebwyd, yr hysbysiad pleidleisio a'r papur pleidleisio. Dylai enw gwirioneddol yr ymgeisydd ymddangos ar unrhyw ddogfennau y mae'n ofynnol iddynt ddangos enw'r ymgeisydd, fel yr argraffnod a ffurflenni gwariant yr ymgeisydd.
Os byddwch yn gwrthod defnyddio enw cyffredin, ni fydd hyn yn effeithio ar ddilysrwydd y ffurflen enwebu. Yn hytrach, effaith hyn fydd y bydd enw llawn yr ymgeisydd yn ymddangos ar y datganiad ynghylch y personau a enwebwyd, yr hysbysiad pleidleisio a'r papur pleidleisio. Dylid egluro hyn i ymgeiswyr ac asiantiaid a rhaid i chi ysgrifennu at yr ymgeisydd yn nodi'r rhesymau dros wrthod caniatáu i'r enw a ddefnyddir yn gyffredin gael ei ddefnyddio.1