Guidance for the GLRO administering the GLA elections

Mae hefyd yn ofynnol i ymgeiswyr gwblhau ffurflen cyfeiriad cartref, y mae'n rhaid iddi gael ei chyflwyno'n bersonol gan un o'r bobl a all gyflwyno'r ffurflen enwebu ac erbyn i'r cyfnod enwebu ddod i ben. Nid yw'r ffurflen wedi'i rhagnodi ond mae'r wybodaeth sydd angen ei darparu wedi'i nodi mewn deddfwriaeth.1  

Ar y ffurflen cyfeiriad cartref, rhaid i'r ymgeisydd nodi ei enw llawn a chyfeiriad ei gartref. 

Cyfeiriad cartref yr ymgeisydd: 
 

• rhaid iddo gael ei gwblhau'n llawn 
• ni ddylai gynnwys talfyriadau 
• dylai fod yn gyfeiriad cartref cyfredol yr ymgeisydd 
• ni ddylai fod yn gyfeiriad busnes (oni fydd yr ymgeisydd yn rhedeg busnes o'i gartref) 

Os bydd unrhyw ran o fanylion y cyfeiriad cartref yn anghywir neu wedi'i hepgor, ni fydd yr enwebiad yn annilys yn awtomatig os yw'r disgrifiad o'r lle yn un a ddeellir yn gyffredin.

Rydym wedi llunio ffurflen cyfeiriad cartref fel rhan o'n setiau o bapurau enwebu y gallwch eu rhoi i ymgeiswyr ac asiantiaid i'w defnyddio mewn etholiad ar gyfer Comisiynwyr yr Heddlu a Throseddu neu Gomisiynwyr yr Heddlu, Tân a Throseddu. 

Ymgeiswyr nad ydynt am i gyfeiriad eu cartref gael ei gyhoeddi

Gall ymgeisydd ofyn am beidio â chyhoeddi ei gyfeiriad cartref ar y datganiad ynghylch y personau a enwebwyd na'r papur pleidleisio. 

Yn yr achos hwn, rhaid i'r ffurflen cyfeiriad cartref gynnwys:

• yr enw llawn a 
• chyfeiriad cartref llawn
• datganiad wedi'i lofnodi yn nodi ei fod yn gofyn am beidio â chyhoeddi ei gyfeiriad cartref
• cadarnhad ei fod wedi'i gofrestru ar y gofrestr etholiadol ar gyfer ‘ardal etholiadol’ yn yr ardal heddlu.
• nodi'r ardal etholiadol lle mae wedi'i gofrestru. Gall yr ardal etholiadol fod yn unrhyw etholaeth, adran neu ward yn ardal yr heddlu.

Ni fydd cyfeiriadau ymgeiswyr yn ymddangos ar y papur pleidleisio mewn etholiad ar gyfer Comisiynydd yr Heddlu a Throseddu, p'un a yw eu cyfeiriad yn ymddangos ar y datganiad ynghylch y personau a enwebwyd ai peidio.