Sut i gofrestru eich plaid wleidyddol

Dylid cynnwys y categorïau canlynol yn eich cofnod o asedau a rhwymedigaethau: 

• Asedau sefydlog 
• Asedau cyfredol 
• Rhwymedigaethau

Dim ond asedau a rhwymedigaethau y mae'r blaid yn berchen arnynt y dylech roi gwybod amdanynt yn eich cofnod. Mewn rhai achosion, gall hyn gynnwys asedau a rhwymedigaethau o dan enw un o swyddogion y blaid, megis cyfrif banc a ddefnyddir i gadw arian y blaid. Fodd bynnag, ni ddylech roi gwybod am asedau a rhwymedigaethau y mae swyddogion y blaid yn unig yn berchen arnynt ac yn eu rheoli. Dylech wneud asesiad gonest, yn seiliedig ar y ffeithiau, o'r asedau a'r rhwymedigaethau y mae angen i chi eu cynnwys yn y cofnod.

Os nad ydych yn siŵr a ddylid cynnwys ased neu rwymedigaeth yn eich cofnod, cysylltwch â ni am gyngor.

Mae'r tudalennau canlynol yn rhoi manylion am sut y dylid rhoi gwybod am bob categori.