Beth mae angen i chi wneud gyda ffurflenni gwariant
Rhaid i chi anfon copïau o ffurflenni gwariant etholiad a datganiadau i'r Comisiwn Etholiadol cyn gynted ag y bo'n rhesymol ymarferol ar ôl i'r ffurflen neu'r datganiad ddod i law.1
Dylech hefyd ddarparu copïau o'r anfonebau a'r derbynebau perthnasol.
A allech hefyd ddarparu'r canlynol er mwyn i ni allu cyflawni ein dyletswyddau ynglŷn â chydymffurfiaeth:
ffigurau etholwyr ar gyfer pob etholaeth (a ddefnyddiwyd i gyfrifo terfyn gwariant yr ymgeiswyr
y terfyn gwariant a roddwyd i ymgeiswyr, os yw hynny'n gymwys
cadarnhad o unrhyw ymgeiswyr na wnaethant gyflwyno ffurflen
datganiad ynghylch y personau a enwebwyd, hysbysiad o asiantiaid, a datgan canlyniad ar gyfer pob etholiad
Y dull derbyn a ffefrir gennym yw trosglwyddo dogfennau'n ddiogel, a fydd yn gwneud y broses o ddosbarthu'r ffurflenni hyn yn haws i chi. Gall y Comisiwn ddarparu mynediad i system trosglwyddo dogfennau'n ddiogel ar gais. Cysylltwch â ni yn [email protected] i drefnu hyn.
Os byddai'n well gennych e-bostio'r ffurflenni am unrhyw reswm, e-bostiwch gopïau PDF wedi'u sganio i [email protected]. Bydd o gymorth mawr i ni wrth brosesu ffurflenni gwariant, ac osgoi ymholiadau gennym i chi, os byddwch yn gwneud y canlynol:
sganio ffurflen gwariant pob ymgeisydd, gyda'r anfonebau a'r derbynebau perthnasol, ar wahân
anfon pob ffurflen drwy e-bost ar wahân, oherwydd caiff atodiadau mawr iawn eu gwrthod gan ein gweinydd
nodi'r etholaeth ac enw'r ymgeisydd yn llinell pwnc yr e-bost
peidio â diogelu negeseuon e-bost drwy ddefnyddio cyfrineiriau na darparu cyfrineiriau na gwefannau diogel – mae e-bost arferol yn iawn
Os nad yw'r un o'r ddau opsiwn uchod yn bosibl, gallwch anfon copïau papur o'r ffurflenni gwariant i'r cyfeiriad canlynol:
Party and Election Finance
The Electoral Commission
3 Bunhill Row
London
EC1Y 8YZ