Dylech sefydlu tîm prosiect i’ch cefnogi i gyflawni eich swyddogaethau ac i gynnal etholiad yn dda. Yn ogystal â chi eich hun, dylai eich tîm prosiect gynnwys unrhyw ddirprwyon penodedig o'ch awdurdod lleol, staff etholiadau eraill a'r Swyddog Cofrestru Etholiadol (os nad chi yw'r Swyddog Cofrestru Etholiadol).
Dylai eich tîm prosiect hefyd gynnwys unrhyw staff allweddol eraill sy’n briodol yn eich barn chi, megis:
tîm cyfathrebu eich cyngor
cydweithwyr Adnoddau Dynol
cydweithwyr cyllid
TG
staff eich canolfan gyswllt/blaen tŷ
staff cyfleusterau
eich Pwynt Cyswllt Unigol lleol
Etholaethau trawsffiniol
Yn achos etholaeth sy'n cwmpasu mwy nag un awdurdod lleol, dylai eich tîm prosiect hefyd gynnwys unrhyw ddirprwyon a Swyddogion Cofrestru Etholiadol o awdurdodau lleol eraill yn eich etholaeth, ac unrhyw aelodau o staff gwasanaethau etholiadol perthnasol eraill o'r ardal(oedd) awdurdod lleol arall i alluogi cydweithio effeithiol yng ngwaith cynllunio a chyflawni'r pleidleisio
Dylai fod gan y tîm prosiect gylch gwaith clir a dealltwriaeth o’r tasgau sydd i’w cyflawni. Yn y cam cynllunio, dylid paratoi amserlen o gyfarfodydd, a dylid cadw cofnod o bob cyfarfod fel trywydd archwilio o’r hyn a drafodwyd ac o unrhyw benderfyniadau a wnaed. Pryd bynnag sy’n bosibl, dylai’r Swyddog Canlyniadau gadeirio unrhyw gyfarfodydd y tîm prosiect.