Sicrhau bod papurau pleidleisio yn ddiogel yn ystod toriadau yn y gweithrediadau
Os bydd toriad yn y gweithrediadau, bydd angen i chi roi papurau pleidleisio mewn blwch pleidleisio neu gynhwysydd addas arall, ei selio a'i storio'n ddiogel yn ystod y toriad.
Ar ôl cwblhau'r broses ddilysu, dylech roi'r papurau pleidleisio ar gyfer unrhyw etholiadau nad ydynt yn cael eu cyfrif yn syth ar ôl eu dilysu mewn blychau pleidleisio ac yna eu selio. Rhaid i chi ganiatáu i unrhyw asiantiaid sy'n bresennol atodi eu seliau.
Er mwyn sicrhau diogelwch y papurau pleidleisio, gallech ystyried y canlynol:
eu storio mewn blychau pleidleisio wedi'u selio mewn ystafell dan glo, gan sicrhau mai chi sy'n gyfrifol am yr holl allweddi i'r cyfleuster hwnnw
trefnu bod staff diogelwch yn ‘gwarchod’ y blychau pleidleisio bob amser nes bod y cam dilysu/cyfrif yn ailddechrau
Dylech gydgysylltu â'ch Pwynt Cyswllt Unigol yn yr heddlu lleol wrth benderfynu ar y dull storio diogel mwyaf priodol.
Ar ôl i'r cam dilysu/cyfrif ailddechrau, dylech agor y blychau pleidleisio wedi'u selio o flaen unrhyw ymgeiswyr ac asiantiaid sy'n bresennol, er mwyn iddynt allu bod yn fodlon nad oes neb wedi ymyrryd â'r papurau pleidleisio na'r blychau pleidleisio.
Cyfuno
Lle caiff etholiadau eu cyfuno, mae'n debygol y bydd toriad mewn gweithrediadau ar ôl i'r broses ddilysu ddod i ben a chyn i'r cyfrif ddechrau ar gyfer un neu fwy o'r etholiadau. Yn ystod y toriad hwnnw, bydd angen i chi storio'r papurau pleidleisio yn ddiogel.